Ahladalnik BiełTA padjałdyknuŭ Statkieviča: Jak heta toj z šapkaj na vačach vyznačyŭ, što jechaŭ u KDB na «Leksusie»?
Na sajcie BiełTA źjaviłasia mierkavańnie ahladalnika haziety «7 dzion» Dźmitryja Šamko pad nazvaj «Płan «Raptam 2».
Ahladalnik Dźmitryj Šamko.
Kałonka pryśviečanaja Mikałaju Statkieviču, jaki zajaviŭ, što źbirajecca źmianić taktyku dziejańniaŭ.
«Mikałaj Viktaravič, jak možna źmianić toje, čaho ŭ vas niama? Chiba ŭ vas jość jakaja-niebudź taktyka? Apošnija padziei pakazali, što ničoha, akramia «broŭnaŭskaha ruchu», nichto nie zaŭvažyŭ. Taktyka — navuka dakładnaja, jana nie tryvaje niavyznačanaści i impravizacyi — vam, byłomu aficeru, pavinna być heta viadoma, jak nikomu inšamu», — padkazvaje Dźmitryj Šamko.
«Jakoje dačynieńnie maje vaš «broŭnaŭski ruch» da śviataŭ, jakija stali dla biełarusaŭ adnymi z samych važnych? Tak, na hetyja śviaty źbirajecca šmat ludziej — na heta vy i raźličvajecie. Ale ci buduć jany efiektyŭnym instrumientam dla dasiahnieńnia vašych metaŭ?» — aburajecca ahladalnik.
«P.S. Usio ž taki adnoj vydatnaj zdolnaściu spadar Statkievič, biezumoŭna, vałodaje. Pahadziciesia: nie kožnamu dadziena ŭnikalnaja mahčymaść vyznačać marku aŭtamabila, asabliva «Leksusa», z šapkaj na vačach…» — naprykancy padjałdyknuŭ palityka Dźmitryj Šamko.
