«Jany razrezali maju sukienku, ja zastałasia hołaja — i pačałosia». Biełaruska, jakuju zhvałtavali na Bali, raskazała, što było
Indaniezijskaja palicyja zatrymała hramadzianina Rasii Antona Simutava pa padazreńni ŭ zhvałtavańni 30-hadovaj biełaruski. Jon rasijski biznesmien i ŭładalnik picierskaj sietki kaljannych, viadomy jak Anton Fieramon.
Raniej jon źbieh ź psichijatryčnaj lačebnicy, kudy jaho źmiaścili paśla taho, jak jon litaralna raźnios u treski viłu. Pa paviedamleńniach miascovych ŚMI, u domie akazałasia złamanaja amal usia mebla, televizary i navat dazatary dla myła.
Palicyja davoli chutka złaviła mužčynu, i ciapier jon aryštavany. Akramia vandalizmu jamu staviać u vinu paboi i zhvałtavańnie.
Palicyja Bali praciahvaje taksama šukać dvuch rasijanak, jakich abvinavacili ŭ hrupavym zhvałtavańni.
«BaliForum» adšukaŭ biełarusku Jevu, jakaja zajaviła, što stała achviaraj Antona Fieramona i jaho siabrovak.
Biełaruska Jeva. Fota: archiŭ dziaŭčyny
Jana dzielicca, što ciapier chavajecca ad čužych vačej.
«Kali jon [Anton Fieramon] zrazumieŭ, što ja źbiehła, dasłaŭ mnie ŭ telehram sercajka. Paśla hetaha ja jaho ŭsiudy zabłakavała», — kaža jana.
«Ja pa 5-6 hadzin u dzień pravodžu ŭ palicyi, u padrabiaznaściach raspaviadaju, jak jany mianie hvałtavali, u jakich pozach (…). A ja nie pamiataju ŭsich hetych padrabiaznaściaŭ, jany mianie narkatoj pastajanna napampoŭvali», — kaža dziaŭčyna.
Dadaje, što joj ničoha nie kałoli, a prymušali pić.
«Pieršy raz, kali jon udaryŭ mianie vielmi mocna i ja pačała adklučacca, mnie prynieśli vady. Jon skazaŭ dziaŭčatam, kab šmat tudy nie sypali. Potym užo ranicaj ubačyła, što pa ŭsioj vile raskidanyja ŭpakoŭki z-pad kietamina (srodki dla narkozu). Jany z dozami hulajucca, z ałkaholem pieramiešvajuć, potym traŭkaj dahaniajucca. Lera i Maša, jakija dapamahali Antonu mianie hvałtavać, pastajanna ź im i pastajanna pad narkatoj».
— A jak vy naohuł apynulisia na vile?
My z maim žanichom paznajomilisia z Antonam, jon pryjšoŭ z Maryjaj, pradstaviŭ jaje svajoj dziaŭčynaj. Raspavioŭ, što ŭ jaho ŭ Piciery bujnaja sietka kaljannych. Ja zahuhliła — praŭda. Kali jon daviedaŭsia, što ja psichołah, my stali ź im mieć znosiny, pierapisvacca ŭ Instagram, u telehramie. I jon usio pra psichałohiju mnie zasoŭvaŭ. Potym ja miesiac adsutničała na Bali, była na inšych astravach.
Anton Simutaŭ (Fieramon). Fota: instahram
Padtrymlivała suviaź, ale heta było nie aktyŭna. Jon mianie zaprašaŭ sustrecca, pryčym jon mianie zaprašaŭ razam z maim žanichom. Davaj pryjazdžaj, kaža, biary svajho chłopca, biary siabroŭ. My tut źbirajemsia z chłopcami, chłopcy buduć udzielničać u prajekcie, u nas tam buduć videahrafy, fatohrafy. Ja ciapier finansuju roznyja prajekty, davaj jak psichołaha raskrucim, pahavorym. I ja vyrašyła pajechać, jon navat taksi mnie vyklikaŭ.
— U jaki momant vy zrazumieli, što situacyja stanovicca niebiaśpiečnaj?
— Kali ja pryjechała, kampanija chłopcaŭ chutka źjechała. Atrymałasia tak, što ja zastałasia. Chacieła vyklikać taksi, kab taksama źjechać, ale jon vyrvaŭ telefon i vykinuŭ u basiejn. Ja hladžu na jaho, a jaho nakryvaje. Ja zrazumieła, što chutčej za ŭsio, jon pad narkatoj, prosta zašmat užyŭ i ŭsio. I što mianie źbiantežyła adrazu, što dziaŭčaty Lera i Maša hladzieli na jaho ahresiju, na abrazy jak na niešta zvyčajnaje. Jany nie byli ździŭleny. Maša naohuł była viasiołaja, rahatała, śmiajałasia.
— Usie troje ŭdzielničali ŭ zhvałtavańni?
— Anton pačaŭ patrabavać, kab ja źniała sukienku, potym udaryŭ. My pačali bicca. U niejki momant udaryŭ vielmi mocna, ja jamu kažu: «Ty mianie zabješ».
Potym jon zahadaŭ Mašy sarvać ź mianie sukienku, ja nie dałasia. Tady jon jaje ŭdaryŭ, za toje što jana nie zmahła. Lera ŭ hety čas pryniesła nažnicy. Siak-tak jany razrezali maju sukienku, ja zastałasia hołaja, nu i pačałosia…
Pry hetym Lera tolki trymała mianie. Nie hvałtavała. Spačatku zapałochvała, a potym zdymała ŭsio, što adbyvajecca, na videa… I ŭsio heta praciahvałasia vielmi doŭha. Jany pad narkatoj naohuł nie spali. Uvieś čas telefanavali kamuści, pakazvali mianie praź videasuviaź. (…)
Tam vielmi darahaja viła, $1000 za noč. Tam absłuha kruhłyja sutki. Jany ŭsie čuli, ale palicyju vyklikali tolki kali jon ich staŭ bić. Palicyja pryjechała, jašče šmat narodu sabrałasia, raziavaki niejkija. Jany ŭsie bačyli mianie, ja prasiła dapamohi, padychodziła, była pastajanna navidavoku. Anton mnie skazaŭ iści ŭ pakoj. Potym jon mianie tam začyniŭ, jany ŭsio heta bačyli, jon im nasypaŭ hrošaj, niejkaje zołata kamuści prapanoŭvaŭ, i jany prosta źjechali. I voś u hety momant ja realna zrazumieła, što ničoha nie dapamoža. Ale dziakuj bohu rabotniki viły zastalisia, jany nie razychodzilisia i ja im pakazała žestam, što jon mianie zabje. (…)
— U vas nie było mahčymaści źbiehčy, pakul jany nie bačać?
— Dziaŭčaty ŭvieś čas byli sa mnoj. Ja ź imi starałasia pasiabravać, šmat razmaŭlali pra žyćcio. I ja zrazumieła, što heta realna siekta. Lera pryjechała z Dubaja na vakansiju biznes-asistenta, pa vyniku stała nałožnicaj Antona. Jon im niejkija prapracoŭki ładziŭ, jany telefanavali łajalisia z tatami, z mamami, kazali, što tyja na ich niejkija prahramy žudasnyja naviešali, tamu jany tak drenna žyvuć. To-bok, u ich razarvanyja adnosiny z baćkami, tyja ich zabłakavali. Jany ŭ čužoj krainie biez hrošaj, bieź siabroŭ i znajomych.
Mnie raskazvała Maša, što jon vykinuŭ jaje čamadan. Jana i rada była, zatoje jon joj potym novych šmotok kupiŭ, kupiŭ apošni ajfon. I jana kaža, ty typu supraciŭlaješsia, tamu što ty nie bačyš svajoj kaštoŭnaści znachodžańnia ź im. Ja kažu, rastłumač mnie, jakuju ty kaštoŭnaść bačyš. Jana viedaješ, što adkazvaje? «Ja stała supier upeŭnienaja, ja chadžu biez majtkoŭ, napaŭhołaja, adčuvaju siabie svabodnaj, raniej ja navat nie mahła ŭ storys vyjści pahavaryć. U mianie apošni ajfon, kožny dzień ja charčujusia ŭ restaranach i žyvu na takoj a***ennaj vile».
Padazravanyja Lera i Maryja, jakich šukaje balijskaja palicyja. Fota: sacsietki
Pryčym Anton adzin raz vystaviŭ ich za dźviery, jany tydzień pabadzialisia pa vostravie i viarnulisia da jaho. Jon kali ich biŭ, prynižaŭ, jany tolki paŭtarali pakorliva: «dziakuju i prymaju!»
— Jak vam u vyniku ŭdałosia źbiehčy?
— Ja čakała momant, kali Anton sydzie kudy-niebudź u inšuju častku viły. Pad viečar na druhi dzień da jaho pryjšoŭ niejki siabar, i jany apynulisia ŭ dalokaj častcy viły, kala basiejna. Ja pabiehła ŭ spalniu i zamknułasia tam. Potym vylezła praz akno i mianie na mašynie pavioz supracoŭnik viły ŭ biaśpiečnaje miesca. Užo adtul ja pajšła ŭ palicyju. Mianie adpravili na hiniekałahičny ahlad, fatahrafavali ŭsio ŭ padrabiaznaściach, potym dali napisać zajavu. U ahulnaj składanaści mianie pratrymali na vile 20 hadzin.
***
Dziaŭčyna kaža, što joj paśla zdareńnia pisali i inšyja dziaŭčaty, jakija paciarpieli ad Antona Simutava.
Čytajcie taksama:
Biełarusku zhvałtavali na Bali, padazrajecca rasiejec
Sud u Ńju-Jorku admianiŭ prysud Charvi Vajnštejnu, jakoha abvinavačvali ŭ zhvałtavańni
