Chłopčyk złamaŭ pazvanočnik u batutnym centry ŭ Minsku. Adnak dabicca kampiensacyi ŭ sudzie nie ŭdałosia, voś čamu
Dzieviacihadovy chłopčyk złamaŭ pazvanočnik u staličnym batutnym parku Hero Park. Baćki pajšli ŭ sud, adnak nie zmahli dabicca kampiensacyi ad administracyi parku zabaŭ, raspavioŭ telekanał ANT.
Mirasłaŭ chacieŭ adśviatkavać svoj dziaviaty dzień naradžeńnia na batutach. U batutnym parku Hero Park na praśpiekcie Dziaržynskaha jon byŭ pad nahladam baćkoŭ. U čas skačku z vyšyni ŭ parałonavuju jamu jon paškodziŭ śpinu.
MRT pakazała adrazu niekalki złamanych pazvankoŭ.
Sudovaje raźbiralnictva skončyłasia nie na karyść hetaj siamji: baćki pierad sieansam staviać podpis ab svajoj adkaznaści za dzicia. Piersanał parka zapeŭnivaje, što ŭsie horki i batuty rehularna prachodziać techabsłuhoŭvańnie, a za dziećmi na arenie sočać treniery i papiaredžvajuć, što nielha skakać ź vialikaj vyšyni.
Traŭmatołah-artapied Andrej Jaraševič raspavioŭ, što dzieci i padletki niaredka atrymlivajuć na batucie traŭmy, u tym liku kaniečnaściej i pajaśničnaha adździeła pazvanočnika.
— Praktyčna kožnaje treciaje dzicia z batutnaha centra pryjazdžaje da nas z toj ci inšaj stupieńniu paškodžańnia pazvanočnika, — raspavioŭ miedyk.
Čytajcie taksama:
Piensijanier ź Pinska pamior ad apiokaŭ na pažary ŭ šmatpaviarchoviku
