Ci jość šaniec na adlihu da sychodu Łukašenki? Razvažaje Čały
Analizujučy Usiebiełaruski narodny schod, ekanamist Siarhiej Čały vykazaŭsia pra pierśpiektyvy pieramienaŭ u krainie. I patłumačyŭ svoj prahnoz pra toje, što Łukašenka nie pojdzie na nastupnyja vybary.
Łukašenka ciapier jašče i ŭznačalvaje Usiebiełaruski narodny schod. Fota: Gavriil Grigorov Sputnik Kremlin Pool Photo via AP
Ci spynić Łukašenka represii?
Razvažajučy pra toje, ci čakać adlihi pry Łukašenku, Siarhiej Čały ŭ efiry Deutsche Welle prapanuje pahladzieć na situacyju z boku dvuch subjektaŭ, ad jakich usio zaležyć. Heta zakazčyk — Łukašenka — i vykanaŭcy — siłaviki.
Łukašenka, zaŭvažaje Čały, paśla 2020-ha praciahvaje trymacca viersii pra toje, što «nijakaj samaarhanizacyi narodu nie było, heta ŭsio zmova». Na praktycy heta aznačaje praciah pošuku vorahaŭ:
«Bačnych vorahaŭ ci pasadzili, ci represavali, ci vyhnali. Ale situacyja nie źmianiłasia. Značyć jość niabačnyja vorahi. Treba praciahvać ich šukać. Standartnaja łohika lubych represij, jakija zasnavany na kanśpirałahičnaj karcinie śvietu».
Padobnym čynam vyhladaje situacyja i z punktu hledžańnia vykanaŭcaŭ-siłavikoŭ. «Čamu jany buduć spyniacca? Jany tolki ciapier radaść i atrymlivajuć, — havoryć Čały i adznačaje, što źmieny niesumnienna adbuducca paśla sychodu Łukašenki:
My viedajem, što nijaki piersanaliscki režym nie tranślujecca. Paśla jaho adbudziecca absalutna poŭnaja revizija taho, što jon zrabiŭ. Adbudziecca anałah XX-ha źjezdu. <…> I heta Łukašenka vielmi dobra razumieje. <…> Tamu jon vynachodzić šmatlikija kanstrukcyi i idei, jakija, jak jamu padajecca, byli b zdolnyja tranślavać jaho kurs i paśla jaho».
Adnak, padkreślivaje Čały, nijakaha praciahu kursu nie budzie: «Luby nastupny kiraŭnik paśla jaho budzie šukać svaju ŭłasnuju lehitymnaść. I hety pošuk budzie adbyvacca mienavita ŭ tym, što «pry mnie budzie ŭsio zusim inakš».
Łukašenka praciahvaje dumać pra tranzit ułady
Siarhiej Čały raniej vykazvaŭ mierkavańnie, što Łukašenka nie pojdzie na prezidenckija vybary ŭ 2025 hodzie. Pa jaho słovach, takaja viersija była im vykazanaje naŭmysna, kab prymusić ułady ŭžo ciapier adkazvać na heta pytańnie.
Zhadvajučy vystupleńnie Łukašenki na Usiebiełaruskim narodnym schodzie, ekanamist źviartaje ŭvahu, što palityk adkazaŭ na heta pytańnie try razy. I kožny raz całkam supraćlehła:
«Jon raskazaŭ usie viersii, jakija tolki mahčymy. I ŭsie, jak potym skazała prapahanda, adnaznačnyja. Inšymi słovami, jon usio jašče praciahvaje dumać. Nijakaha adkazu jon nie daŭ».
Čytajcie taksama:
Čały: Łukašenka nie budzie bałatavacca na nastupnych vybarach
Čały patłumačyŭ, čym byŭ karysny Miaśnikovič u čas pracy z Łukašenkam
My nie bačym nijakich prykmietaŭ padrychtoŭki da tranzitu ŭłady Łukašenkam — palitołah
Efiekt dopinha vajennaha kiejnsijanctva, jaki zrabiŭ časovy ekanamičny padjom u rasiejskim VPK i recha jakoha zakranuła biełaruski VPK - prajšoŭ svoj pik i pastupova sychodzić. A efiekt sankcyj - pastupova narastaje.