Kali babulina chustka stanovicca vuličnaj modaj. Biełaruski brend vypuściŭ kalekcyju z adsyłkami da nacyjanalnych uzoraŭ
Kalekcyja «Krasacień» stała sumiesnaj pracaj brenda RAWR z dekanstruktarami biełaruskaj atrybutyki By_Kod. Vyraby vykanany z naturalnaj tkaniny, a na pryntach – interpretacyja tradycyjnych uzoraŭ praz pryzmu sučasnaj vuličnaj mody.
U kalekcyju ŭvajšli łonhślivy, chudzi, kašuli i chustki. Jany raspracavany jak uniseks i padyduć i chłopcam, i dziaŭčatam. Hałoŭnaja meta prajekta — papularyzacyja nacyjanalnych kulturnych kodaŭ, piša Onliner.
— «Krasacień» — słova dobra zrazumiełaje nośbitam roznych moŭ, pradstaŭnikam roznych pakaleńniaŭ i kulturnych płastoŭ. A jašče jano pra tonki stan dušy, kali ŭsio vakoł i ŭsiaredzinie siabie čałavieku choraša. Skazać, što my zadavolenyja vynikam našaj ałchimii, — heta ničoha nie skazać. Nu chiba nie pryhažość u nas atrymałasia?! — raspaviadaje kamanda RAWR.
Praŭda, cana kusajecca. Adzieńnie — 189—369 rubloŭ, chustka — 59 rubloŭ.
Čytajcie taksama:
Biełaruska pryviezła na tydzień mody ŭ Paryžy lnianyja viasielnyja sukienki FOTY
a ŭ prodkaŭ biełarusak ža chustak zrešty i nie było