Знайсці
07.02.2011 / 16:3110РусŁacБел

Улады Зэльвы і далей не жадаюць вуліцы Ларысы Геніюш

Нібыта савету ветэранаў гэтая ідэя не падабаецца.

Грамадскі актывіст з Зэльвы Яўген Скрабутан атрымаў чарговую адмову ад мясцовых уладаў на сваю ініцыятыву аб перайменаванні вуліцы Савецкай у раённым цэнтры ў вуліцы слыннай беларускай паэткі Ларысы Геніюш, на якой яна жыла.

Гэта ўжо трэцяя адмова — гэтым разам раённы савет дэпутатаў спасылаецца на тое, што прэзідыум раённага савета ветэранаў адзінагалосна выступіў супраць перайменавання Савецкай вуліцы ў Зэльве ў гонар паэткі-дысідэнткі, паведаміў Яўген Скрабутан:

— Калі на самым пачатку яны аргументавалі сваю адмову тым, што нібыта вуліца Савецкая асацыюецца ў грамадстве з надзеяй на лепшую будучыню, потым казалі, што нібыта няма грошай на перайменаванне, а цяпер, калі я сабраў усе паперчыны — з тапанімічнай камісіі, адабрэнне абласнога выканаўчага камітэта,-то яны прыдумалі, што нібыта савету ветэранаў гэтая ідэя не падабаецца.

Грамадскі актывіст ужо больш за паўгода дамагаецца з’яўлення вуліцы ў памяць вядомай паэткі. У наступным сваім кроку ён збіраецца падаваць скаргу ў абаласны савет дэпутатаў на неправамоцнае рашэнне мясцовага савета дэпутатаў.

Улад Грынеўскі, Радыё Рацыя

Хочаш падзяліцца важнай інфармацыяй
ананімна і канфідэнцыйна?

Клас
0
Панылы сорам
0
Ха-ха
0
Ого
0
Сумна
0
Абуральна
0
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
12345
6789101112
13141516171819
20212223242526
2728293031