Прэзідэнт Літвы не будзе накладаць вета на прыняты Сеймам закон аб абмежаваннях для беларусаў і расіян
Прэзідэнт Літвы Гітанас Наўседа заявіў, што не будзе накладаць вета на абноўлены закон аб абмежавальных мерах у дачыненні да грамадзян Беларусі і Расіі, паведамляе LRT.
Сваё рашэнне Гітанас Наўседа аргументаваў тым, што ў выпадку вета «ёсць шанец, што гэтыя санкцыі ўвогуле перастануць дзейнічаць».
«Менш за ўсё ў цяперашняй сітуацыі я б хацеў, каб мы аслабілі нашы санкцыі ў дачыненні да гэтых дзвюх недружалюбных краін», — заявіў журналістам Наўседа.
У той жа час ён папракнуў Сейм за тое, што той «дагэтуль не знайшоў у сабе волі аднолькава трактаваць грамадзян Беларусі і Расіі».
25 красавіка літоўскі парламент працягнуў да 2 мая 2025 года абмежавальныя меры, уведзеныя супраць грамадзян Беларусі і Расіі за ваенную агрэсію супраць Украіны. Папраўкі ў адпаведны законапраект, якія прадугледжвалі пазбаўленне беларусаў дазволаў на жыхарства за частыя паездкі на радзіму, не былі падтрыманыя падчас некалькіх слуханняў.
Чытайце таксама:
Дарадца прэзідэнта Літвы прапанаваў скараціць патокі беларусаў, што прыязджаюць у краіну
Літва прадоўжыла санкцыі супраць грамадзян Беларусі. Ёсць таксама новыя візавыя абмежаванні
Сейм Літвы не стаў абмяжоўваць колькасць паездак беларусаў на радзіму
У Літве прэзідэнта абвінавацілі ў парушэнні прысягі і сувязях з беларускім бізнэсам
