Ułady Zelvy i dalej nie žadajuć vulicy Łarysy Hienijuš
Nibyta savietu vieteranaŭ hetaja ideja nie padabajecca.
Hramadski aktyvist z Zelvy Jaŭhien Skrabutan atrymaŭ čarhovuju admovu ad miascovych uładaŭ na svaju inicyjatyvu ab pierajmienavańni vulicy Savieckaj u rajonnym centry ŭ vulicy słynnaj biełaruskaj paetki Łarysy Hienijuš, na jakoj jana žyła.
Heta ŭžo treciaja admova — hetym razam rajonny saviet deputataŭ spasyłajecca na toje, što prezidyum rajonnaha savieta vieteranaŭ adzinahałosna vystupiŭ suprać pierajmienavańnia Savieckaj vulicy ŭ Zelvie ŭ honar
— Kali na samym pačatku jany arhumientavali svaju admovu tym, što nibyta vulica Savieckaja asacyjujecca ŭ hramadstvie z nadziejaj na lepšuju budučyniu, potym kazali, što nibyta niama hrošaj na pierajmienavańnie, a ciapier, kali ja sabraŭ usie papierčyny — z tapanimičnaj kamisii, adabreńnie abłasnoha vykanaŭčaha kamiteta,-to jany prydumali, što nibyta savietu vieteranaŭ hetaja ideja nie padabajecca.
Hramadski aktyvist užo bolš za paŭhoda damahajecca źjaŭleńnia vulicy ŭ pamiać viadomaj paetki. U nastupnym svaim kroku jon źbirajecca padavać skarhu ŭ abałasny saviet deputataŭ na niepravamocnaje rašeńnie miascovaha savieta deputataŭ.
