Pres-słužba Łukašenki pra zahadkavaje FOTA: Kola biez taty i mamy pajechaŭ elektryčkaj u Mahiloŭ
Stali viadomyja padrabiaznaści pajezdki małodšaha syna kiraŭnika Biełarusi Mikałaja Łukašenki ŭ ciahniku. Jon viartaŭsia z ekskursii ŭ Mahiloŭ, kudy pieršapačatkova dabiraŭsia na elektryčcy. Pra heta BiełTA raskazała pres-sakratar prezidenta Biełarusi Natalla Ejsmant.
«Mikałaj sapraŭdy ŭ čaćvier viečaram jechaŭ na hetym ciahniku, ale nie z Adlera ŭ Viciebsk, a z Mahilova ŭ Škłoŭ, kudy, darečy, nakiravaŭsia na elektryčcy. Metaj pajezdki była ekskursija pa Mahilovie, takaja cichaja i niepubličnaja ekskursija,
— pahulać «pa miescach bajavoj słavy baćki», jak vykazaŭsia sam Mikałaj. I tak, biez mamy i taty, — choć na forumach nijak i nie mohuć u heta pavieryć», — raspaviała pres-sakratar.
«Chaču zaŭvažyć taksama, što nasupierak tamu, što časam havorać ci pišuć, prezident vychoŭvaje syna maksimalna prosta. Tak było sa starejšymi synami Viktaram i Dźmitryjem. Hetak ža adbyvajecca zaraz ź Mikałajem», - dadała Natalla Ejsmant.
Fota, na jakim chłopčyk, jak dźvie kropli vady padobny da syna kiraŭnika Biełarusi Alaksandra Łukašenki Mikałaja, dasłaŭ 19 žniŭnia ŭ redakcyju «Kamsamołki» čytač.
«Zdymak zrobleny 17 žniŭnia, ciahnik «Adler-Viciebsk», zvyčajny płackartny vahon», — rastłumačyŭ aŭtar fota.
Nahadajem, na nastupny dzień, 18 žniŭnia, Mikałaj razam z Łukašenkam-starejšym naviedvaŭ Škłoŭski i Aršanski rajony, i navat, pisała dziaržaŭnaja presa, «namałaciŭ 5 ton zbožža», kirujučy kambajnam.
