Futbalist, jakoha nabyvaje «Barsiełona» za 40 miljonaŭ jeŭra, kaliści nie padyšoŭ hrodzienskamu «Niomanu»
Futbolny kłub «Barsiełona» 17 žniŭnia pradstavić navička — brazilskaha paŭabaroncu Paŭlińjo. Katałonski kłub nabyvaje hulca ŭ kitajskaha «Huančžou Evierhrand» za 40 miljonaŭ jeŭra. Heta budzie adzin z samych značnych tranśfieraŭ hetaha leta.
Cikavaść da bijahrafii Paŭlińjo biełarusy majuć z toj pryčyny, što hety futbalist u 2007 hodzie nie prajšoŭ prahlad u hrodzienskim «Niomanie». U toj čas kamandu ŭznačalvaŭ Ludas Rumbucis.
«Moj «Nioman» niekalki hadoŭ tamu moh padpisać kantrakt z adnym hulcom ź litoŭskaj «Vilni». Jon pravioŭ z nami niekalki zaniatkaŭ, treniery pryhladalisia da lehijaniera, ale ad hetaj zadumki admovilisia. A potym tranzitam praz polskuju «Łodź» i čaćviorty dyvizijon štata San-Paŭłu toj prarvaŭsia da vyšyń i zaklučyŭ pahadnieńnie z «Totenchemam». Siońnia Paŭlińjo - asnoŭny hulec zbornaj Brazilii », - raskazvaŭ Dźmitryj Raŭniejka ŭ intervju haziecie «Priessboł».
Da hetaha Paŭlińjo hulaŭ za «Vilniu» z druhoha dyvizijona čempijanata Litvy i navat padumvaŭ pra skančeńnie karjery. Na siońnia Paŭlińjo 29 hadoŭ — i «Barsiełona» budzie pikam jahonaj karjery.