U Puchavickim rajonie parušalnika spyniali strełami pa kołach VIDEA
Dziaržaŭtainśpiektaram pryjšłosia prymianić tabielnuju zbroju, kab spynić parušalnika, paviedamlaje UUS Minabłvykankama.
Narad śpiecpadraździaleńnia pa zabieśpiačeńni biaśpieki darožnaha ruchu DAI UUS 12 krasavika patrulavaŭ aŭtadarohu Minsk—Homiel. U 18.10 pablizu vioski Dukora Puchavickaha rajona milicyjanty zaŭvažyli «Miersiedes Bienc S320», jaki ruchaŭsia ŭ bok Minska ź vidavočnym parušeńniem chutkasnaha režymu. Inśpiektary padali śpiecyjalnyja sihnały, kab spynić mašynu, ale kiroŭca praihnaravaŭ patrabavańni i praciahnuŭ ruch.
«Słužbovy narad staŭ pieraśledvać pravaparušalnika. Padčas pahoni mužčyna nie vykonvaŭ patrabavańni ab prypynieńni, stvarajučy realnuju pahrozu inšym udzielnikam darožnaha ruchu. Kala 18.40, pry ŭjeździe ŭ stalicu, kiroŭca «Miersiedesa» nie spraviŭsia z kiravańniem i sutyknuŭsia z «Volva», jakaja ruchałasia ŭ spadarožnym kirunku», — adznačyli ŭ UUS.
Paśla DTZ pravaparušalnik pasprabavaŭ ruchacca dalej, tamu było pryniata rašeńnie vykarystać tabielnuju zbroju. Inśpiektar streliŭ u pravaje piaredniaje koła, paśla čaho aŭtamabil spyniŭsia.
Za rulom «Miersiedesa» znachodziŭsia niepracujučy žychar Babrujska 1988 hoda naradžeńnia. U dačynieńni da jaho składziena 9 administracyjnych pratakołaŭ, u tym liku za admovu ad miedahladu.
Padčas pahoni nichto nie paciarpieŭ. Aŭtamabil dastaŭleny na štrafstajanku.
