U Breście asudzili jašče dvuch čałaviek pa karahodnaj spravie
Na siońniašni dzień viadoma pra 137 čałaviek, asudžanych pa karahodnaj spravie.
Fota: MUS
23, 24 i 26 krasavika hoda sud Bresckaha rajona razhledzieŭ kryminalnuju spravu suprać Ksienii Turubčuk i Dźmitryja Mirašničenki. Spravu razhladała sudździa Alena Krukovič, paviedamlaje «Bieraściejskaja viasna».
Ich abodvuch asudzili pavodle č. 1 art. 342 Kryminalnaha kodeksa da dvuch hadoŭ abmiežavańnia voli biez nakiravańnia ŭ PUAT («chatniaj chimii»). Viadoma, što ich sudzili za ŭdzieł u akcyi pratestu, jakaja prachodziła 13 vieraśnia 2020 hoda ŭ Bieraści.
Takim čynam, na dadzieny momant viadoma ŭžo pra 137 čałaviek, kaho asudzili pa «karahodnaj spravie» pavodle kryminalnaha artykuła, kali 13 vieraśnia 2020 hoda ludzi ŭ Breście prajšlisia maršam pa horadzie, spynilisia na prajeznaj častcy na skryžavańni bulvaraŭ i praśpiekta Mašerava, stajali tam i śpiavali pieśni, častka vadziła karahod. Siłaviki razahnali akcyju, upieršyniu ŭ historyi Bresta ŭžyŭšy dla hetych metaŭ vadamiot.
Mnohich pratestoŭcaŭ spačatku asudzili pavodle art. 23.34 KaAP (tady heta byŭ artykuł za tak zvanaje «niesankcyjanavanaje masavaje mierapryjemstva»). Ale potym raspačali spravu pavodle č. 1 art. 342 Kryminalnaha kodeksa «aktyŭny ŭdzieł u hrupavych dziejańniach, jakija hruba parušajuć hramadski paradak».
Čytajcie taksama:
Stała viadoma, z-za čyjho danosu apynułasia za kratami 75-hadovaja babrujčanka
Dvaich biełarusaŭ zavočna asudzili za ŭdzieł u mirnych schodach
