Iłan Mask pabahacieŭ za tydzień amal na $40 młrd
Bahaćcie miljardera Iłana Maska ŭ apošni tydzień krasavika pavialičyłasia na $37,3 młrd, što stała dla jaho najbujniejšym štotydniovym rostam z sakavika 2022 hoda, paviedamlaje Bloomberg.
Iłan Mask. Fota: Jordan Strauss / Invision / AP
Zhodna Bloomberg, zasnavalnik Space X, Tesla i ŭładalnik X znachodzicca na trecim miescy pa vieličyni svajho bahaćcia ($202 młrd) i amal dahnaŭ uładalnika druhoha miesca, zasnavalnika Amazon Džefa Biezasa (u jaho $203 młrd).
Na pieršym miescy — kiraŭnik LVMH Moet Hennessy Louis Vuitton Biernar Arno ($217 młrd).
Ahienctva Bloomberg źviazvaje palapšeńnie spraŭ biznesmiena z pośpiechami Tesla.
29 krasavika akcyi Tesla rezka padaraželi paśla paviedamleńniaŭ ab tym, što kitajskija ŭłady papiarednie adobryli płan pa zapusku ŭ KNR prahramnaha zabieśpiačeńnia dla aŭtapiłota. Mask naviedaŭ Kitaj u niadzielu i zaklučyŭ pahadnieńnie z kitajskim technałahičnym hihantam Baidu.
Tesla taksama maje namier paskoryć pačatak vytvorčaści bolš biudžetnych elektramabilaŭ. Jak čakajecca, što pieršyja ź ich syduć z kanviejera ŭ pačatku 2025 hoda, a, mahčyma, i ŭžo naprykancy 2024-ha, piša RBK.
Čytajcie taksama:
Mask prybyŭ ź nieabvieščanym vizitam u Kitaj
