Mielita Staniuta prezientavała kułon sa svaim siłuetam FOTA
Himnastka Mielita Staniuta maje kramu «Variety», pra jakuju my pisali letaś. 4 krasavika Mielita prezientavała ŭ svajoj kramie kułon sa svaim siłuetam.
«Dla mianie heta vielmi pazityŭnaja navina, spadziajusia, jak i dla vas. I bolš radasna ad taho, što pačynajecca ździajśniacca maja mara», — źviarnułasia da naviedvalnikaŭ Mielita.
Vobrazam dla siłueta pasłužyŭ fotazdymak źleva.
Prezientacyju naviedali prychilnicy Mielity. Himnastka razdavała aŭtohrafy i fatahrafavałasia ź dziaŭčatami.
«Hety byŭ vielmi doŭhi šlach, ale zaraz ja adčuvaju siabie tak, jak byccam atrymała załaty miedal», — padzialiłasia ŭražańniami Mielita z «NN». Pry raspracoŭcy himnastka pilna sačyła za drobiaziami, ale vynikam vielmi zadavolena.
«Užo zaraz mnie pišuć ź Ispanii, Francyi, Rasii. Baćki i ich maleńkija himnastki žadajuć nabyć kułon. My zrabili 50 kułonaŭ, zaraz užo zastałosia dzieści kala 12. U chutkim časie, dumaju, my zapuścim jašče i internet-kramu, dzie taksama možna budzie jaho nabyć».
Mielita adznačaje što heta tolki pačatak, bo ŭ płanach jašče zrabić kułony ź inšymi himnastkami — Luboŭju Čarkašynaj, Innaj Žukavaj, Kaciarynaj Hałkinaj dy inšymi.
Prezientacyju Mielity naviedała himnastka Ksienija Sankovič.
Kułon zrobleny z srebra. Jon kaštuje 55 rubloŭ.
