Меркель падтрымала прапановы МУС па ўзмацненні жорсткасці міграцыйных законаў
Фэдэральны канцлер Германіі Ангела Меркель падтрымлівае работу кіраўніка МУС Томаса дэ Мезьера па ўдасканаленні законаў у галіне ўнутранай бяспекі. З такой заявай выступіў намеснік афіцыйнага прадстаўніка ўрада ФРГ Георг Штрайтэр на брыфінгу ў Берліне.
Георг Штрайтэр адзначыў, што цяпер час новых выпрабаванняў, пры гэтым галоўнае пытанне ў тым, як на іх адэкватна рэагаваць.
Раней міністр унутраных спраў ФРГ Томас дэ Мезьер апублікаваў у газеце Frankfurter Allgemeine Zeitung артыкул, у якім прапаноўваў прадаставіць больш паўнамоцтваў федэральнай паліцыі, а таксама арганізаваць працэс высылкі тых мігрантаў, чые заяўкі на атрыманне статусу бежанца былі адхілены.
Абмеркаванне ўдасканалення законаў у сферы ўнутранай бяспекі ў Германіі праходзіць у тым ліку ў сувязі тэрактам, які быў учынены ў Берліне ў снежні 2016 года і забраў жыцці 12 чалавек. Падазроны ва ўчыненні тэракта Аніс Амры прыехаў у ФРГ як бежанец.
