Высветлілі прычыну гібелі хлопчыка на самай высокай воднай горцы свету
Прычынай смерці 10-гадовага сына амерыканскага кангрэсмена, які загінуў пры спуску з самай высокай у свеце воднай горцы, стала траўма шыі.
Фота kansascity.com.
Пра гэта, як паведамляе The Kansas City Star, заявілі ў паліцыі.
У супрацоўнікаў праваахоўных органаў застаецца яшчэ шмат пытанняў у сувязі з гэтым інцыдэнтам.
З дзіцем у лодцы для спуску знаходзіліся дзве жанчыны, якія не былі з ім знаёмыя. Яны атрымалі невялікія траўмы твару і былі шпіталізаваныя.
Калеб Томас, сын кангрэсмена ад штата Канзас Скота Шваба, загінуў у нядзелю, 7 жніўня, у Канзас-сіці, калі катаўся на воднай горцы ў аквапарку Шлітэрбан. Пасля інцыдэнту аквапарк зачынілі на час расследавання.
Вышыня збудавання пад назвай «Ферукт» (Verruckt, перакладаецца з нямецкага як «вар'яцкая») складае каля 50 метраў, да яго вяршыні вядуць 264 прыступкі. «Ферукт» занесены ў Кнігу рэкордаў Гінеса як самая высокая водная горка на планеце.
Фота i.amz.mshcdn.com.
