На матчы Расія — Уэльс абвешчаныя выключныя меры бяспекі
ladepeche.fr
Прэфект французскага дэпартамента Верхняя Гарона абвясціў пра выключныя меры бяспекі на футбольным матчы чэмпіянату Еўропы па футболе паміж зборнымі Расіі і Уэльса, які адбудзецца ў Тулузе 20 чэрвеня (панядзелак). Пра гэта паведамляе французская газета La Depeche du Midi.
Раней матчу прысвоілі трэцюю ацэнку з чатырох магчымых па шкале звязаных з ім рызык. Такім чынам, цяпер ўзровень рызыкі павышаны да максімальнага.
Гарантаваць бяспеку на мерапрыемстве будуць 1900 паліцэйскіх і жандараў, што на 600 чалавек больш, чым было заяўлена раней.
Выключныя меры прымуць крамы і бары, размешчаныя ў «адчувальнай» вобласці — раёна стадыёна. Бары 19 і 20 чэрвеня павінны будуць закрывацца апоўначы.
Па інфармацыі выдання, падтрымаць Расію і Уэльс у Тулузу прыедуць па 10 тысяч заўзятараў з кожнага боку. Мяркуецца, што сярод іх будуць каля 150 хуліганаў.
***
У суботу на Еўра-2016 пройдуць тры гульні: Бельгія — Ірландыя (16:00), Венгрыя — Ісландыя (19:00), Партугалія — Аўстрыя (22:00).
