BelToll можа прыйсці на МКАД і вуліцы Мінска
Як стала вядома AUTO.TUT.BY, цяпер абмяркоўваецца пытанне аб магчымым увядзенні платы за праезд велікагрузаў па вуліцах сталіцы, у тым ліку — мінскай кальцавой.
«МКАД можа стаць платнай для грузавікоў і іншых транспартных сродкаў, якія павінны плаціць за праезд па платных сегментах дарог Беларусі. Але гэта не бліжэйшая перспектыва», — паведаміла годная даверу крыніца, якая папрасіла не называць яе імя. Паводле яе слоў, спачатку ўлады ўвядуць у эксплуатацыю МКАД-2 (не раней за 2017), якая, нагадаем, на пачатковым этапе павінна быць бясплатнай, — каб даць велікагрузам магчымасць альтэрнатыўнага аб'езду Мінска без аплаты.
Платнымі могуць зрабіць і вуліцы Мінска — якія, пакуль абмяркоўваецца. Гэтая магчымасць разглядаецца «на ўзроўні горада» ў кантэксце неабходнасці упарадкаваць (чытай — максімальна скараціць) трафік велікагрузаў па Мінску.
Як будзе рэалізавана сістэма спагнання аплаты за праезд па гарадскіх вуліцах, пакуль незразумела.
