Łukašenku ŭnieśli na razhlad prajekt ukaza pa baraćbie ź niesumlennym pasrednictvam
Pra heta paviedamiŭ siońnia žurnalistam staršynia Kamiteta dziaržaŭnaha kantrolu Leanid Anfimaŭ, pieradaje BIEŁTA.
«Jon znachodzicca ŭžo na razhladzie prezidenta. Miarkuju, što kiraŭnik dziaržavy pojdzie na toje, kab pravieści śpiecyjalnuju naradu pa hetym prajekcie ŭkaza i razhledzieć u kompleksie ŭsie pytańni, źviazanyja ź nieabhruntavanym, niesumlennym pasrednictvam», — raspavioŭ Leanid Anfimaŭ.
Pavodle jaho słoŭ, prajekt ukaza praduhledžvaje abaviazkovaje ŭzhadnieńnie z vyšejšymi arhanizacyjami zakupak, kali jany ažyćciaŭlajucca za košt dziaržaŭnych hrošaj. «Kali vy chočacie kupić niejki tavar u pasiarednika, to pavinny ŭzhadnić hetuju zakupku. Kali heta kałhas i jon znachodzicca ŭ kamunalnaj ułasnaści - to z tym orhanam, jaki ažyćciaŭlaje ŭładalnicki nahlad, u kaho znachodziacca akcyi hetaha pradpryjemstva», - rastłumačyŭ staršynia KDK.
Pry hetym jon źviarnuŭ uvahu, što havorka idzie ab zakupkach peŭnaj cenavaj katehoryi. «Dumaju, peŭnaja suma budzie ŭsio ž stajać i limitavacca jak miaža zakupki, jakuju moža ažyćciaŭlać pradpryjemstva biez dazvołu adpaviednaha orhana», — adznačyŭ Leanid Anfimaŭ.