Łukašenka choča pakinuć u siabie rasijskija S-400 i «Iskandery»
Pra toje, što Biełaruś raźličvaje pakinuć u siabie rasijskija ZRK S-400 i rakietnyja kompleksy»Iskander», Łukašenka zajaviŭ na naradzie pa pytańniach dziaržabaronzamovy na 2022 hod, pieradaje BiełTA.
«My z Rasijaj damovilisia, što, napeŭna, my pakiniem S-400, jakija ŭ nas jość. Jon ź Minska budzie bačyć da Bierlina. Heta zbroja, jakaja pryznačanaja dla bujnych armij, terytoryj. Dapuścim, jak rasijskaja. A nam bačyć, što tam, u Bierlinie, moža być, i nie treba», — skazaŭ Łukašenka.
Taksama jon skazaŭ pra płany nabyć u Rasii rakietnyja kompleksy «Iskander»:
«Heta vielmi patrebnaja nam zbroja. Jana ŭ nas siońnia jość. I, znoŭ ža, ja damoviŭsia z rasijanami, što my kuplajem u ich «Iskandery». Jany vyvodzicca ź Biełarusi nie buduć. Jany mohuć być zadziejničanyja dla abarony našaj prastory».
Pry hetym Łukašenka pryznaŭ, što pieramahčy NATA Biełarusi nierealna, ale staić zadača «nanieści nieprymalnuju škodu praciŭniku».
