Na biełaruska-polskaj miažy zatrymali rasijskaha deziercira. Imavierna, jon išoŭ prosta z frontu
Mužčyna byŭ u cyvilnym adzieńni i biez zbroi, ale z vajskovym kantraktam.
Biełaruska-polskaja miaža. Ilustracyjnaje fota Straż graniczna.
U Polščy na miažy ź Biełaruśsiu zatrymali deziercira z rasijskaj armii, piša RMF FM.
Rasijanina zatrymali padlaskija pahraničniki nieŭzabavie paśla pierasiačeńnia biełaruskaj miažy.
Pavodle źviestak radyjostancyi, zatrymanamu rasijskamu sałdatu — 41 hod. Jon byŭ u cyvilnym adzieńni i biez zbroi i sprabavaŭ trapić u Polšču nielehalna praź Biełaruś, vierahodna, z ukrainskaha frontu.
U sałdata byli znojdzienyja rasijskija vajskovyja dakumienty, u tym liku kantrakt z vojskam, jaki praduhledžvaje ŭdzieł u vajennych dziejańniach suprać Ukrainy.
Rasijanin sprabavaŭ skarystacca arhanizavanym režymam Alaksandra Łukašenki mihracyjnym kanałam, jakim karystajucca zamiežniki pieravažna ź Blizkaha Uschodu, Paŭnočnaj Afryki i Centralnaj Azii, kab trapić u Jeŭropu.
41-hadovaha rasijanina zaraz praviarajuć polskija słužby.
Padlaskija pamiežniki paćvierdzili, što supracoŭniki zatrymali rasijskaha deziercira na terytoryi Polščy pry sprobie pierasiekčy miažu.
