U «DNR» rasijski vajskoviec rasstralaŭ šaściarych sasłužyŭcaŭ i ŭciok sa zbrojaj
U rasijskich telehram-kanałach raspaŭsiudžvajecca infarmacyja pra 57-hadovaha siaržanta Juryja Hałušku, jaki nibyta zabiŭ šaściarych rasijskich vajskoŭcaŭ z haŭbičnaha artyleryjskaha dyvizijona 10-ha tankavaha pałka na terytoryi t. zv. «Danieckaj narodnaj respubliki», paśla čaho schavaŭsia z asabistaj zbrojaj AK-12.
Juryj Hałuška
Pieršym pra heta paviedamiŭ telehram-kanał «Prajekt BARS», źviazany z rasijskimi dobraachvotnikami, jakija słužać u akupacyjnych vojskach pa prahramie «Bajavy armiejski rezierv krainy».
Nieviadomy vajskoviec z BARS zapisaŭ ščodra pierasypany niecenzurnaj leksikaj aŭdyjazvarot, u jakim śćviardžajecca, što Hałuška nibyta rasstralaŭ kamandavańnie artyleryjskaha dyvizijona i ŭciok sa zbrojaj niedzie ŭ rajonie Alaksandraŭki (nasielenych punktaŭ z takoj nazvaj na terytoryi Danieckaj vobłaści niekalki). Vykazvajecca mierkavańnie, što jon ciapier budzie sprabavać pierajści na bok Ukrainy.
Jak piša telehram-kanał Astra, miarkujučy pa danych ź źlitych baz, Hałuška ŭradženiec Charkava i ŭładalnik rasijskaha hramadzianstva, jaki niekatory čas žyŭ u Biełharodskaj vobłaści.
U tyražavanym u sacsietkach paviedamleńni havorycca, što Hałuška zapisaŭsia na vajnu z kałonii ŭ kancy lutaha hetaha hoda.
Čytajcie taksama:
Va Ukrainie zahinuŭ Fieliks Edmundavič Dziaržynski
Ukraincy znoŭ paśpiachova ŭdaryli pa palihonie z rasiejcami. Hetym razam prymianili ATACMS
