Prezident Litvy nie budzie nakładać vieta na pryniaty Siejmam zakon ab abmiežavańniach dla biełarusaŭ i rasijan
Prezident Litvy Hitanas Naŭsieda zajaviŭ, što nie budzie nakładać vieta na abnoŭleny zakon ab abmiežavalnych mierach u dačynieńni da hramadzian Biełarusi i Rasii, paviedamlaje LRT.
Svajo rašeńnie Hitanas Naŭsieda arhumientavaŭ tym, što ŭ vypadku vieta «jość šaniec, što hetyja sankcyi ŭvohule pierastanuć dziejničać».
«Mienš za ŭsio ŭ ciapierašniaj situacyi ja b chacieŭ, kab my asłabili našy sankcyi ŭ dačynieńni da hetych dźviuch niedružalubnych krain», — zajaviŭ žurnalistam Naŭsieda.
U toj ža čas jon papraknuŭ Siejm za toje, što toj «dahetul nie znajšoŭ u sabie voli adnolkava traktavać hramadzian Biełarusi i Rasii».
25 krasavika litoŭski parłamient praciahnuŭ da 2 maja 2025 hoda abmiežavalnyja miery, uviedzienyja suprać hramadzian Biełarusi i Rasii za vajennuju ahresiju suprać Ukrainy. Papraŭki ŭ adpaviedny zakonaprajekt, jakija praduhledžvali pazbaŭleńnie biełarusaŭ dazvołaŭ na žycharstva za častyja pajezdki na radzimu, nie byli padtrymanyja padčas niekalkich słuchańniaŭ.
Čytajcie taksama:
Daradca prezidenta Litvy prapanavaŭ skaracić patoki biełarusaŭ, što pryjazdžajuć u krainu
Litva pradoŭžyła sankcyi suprać hramadzian Biełarusi. Jość taksama novyja vizavyja abmiežavańni
Siejm Litvy nie staŭ abmiažoŭvać kolkaść pajezdak biełarusaŭ na radzimu
U Litvie prezidenta abvinavacili ŭ parušeńni prysiahi i suviaziach ź biełaruskim biznesam
