«Mitrapalit pavinien byŭ kinuć usie svaje spravy, sustrecca z dačkoj Burykina i paprasić prabačeńnia»
Teołah Natalla Vasilevič u siabie ŭ fejsbuku raskrytykavała reakcyju BPC na intervju Alaksandry Burykinaj «Našaj Nivie» pra toje, jak jaje ciaham mnohich hadoŭ hvałtavaŭ baćka — pravasłaŭny śviatar.
Kanstancin Burykin padčas sustrečy ź mitrapalitam Paŭłam
Prajšło ŭžo niekalki dzion paśla taho, jak Alaksandra Burykina raskazała publična pra svajo žyćcio z baćkam, śviatarom Kanstancinam Burykinym, jaki z samaha naradžeńnia źbivaŭ jaje, potym jašče i hvałtavaŭ.
«Raskazała tolki mamie, na jaje mahile»: žudasnaja spoviedź dački «baciuški sa svastykaj» pra toje, što jon rabiŭ ź joj
Biełaruskija baciuški ŭ fejsbuku pišuć «a raptam heta ŭsio dla čytańnia?», «A chiba možna pazbaŭlać sanu na padstavie artykułaŭ u haziecie?», «A što heta jana raniej maŭčała, padobna na zakazuchu».
BPC pra abvinavačvańnie Burykina ŭ piedafilii: My molimsia i spadziajomsia, kab heta akazałasia niapraŭdaj
Pres-sakratar BPC patłumačyŭ, čamu «baciuška sa svastykaj» usio jašče ličycca śviatarom
A ŭ mianie jość tolki adno nievialikaje pytańnie — unutry ŭ kaho-niebudź choć varuchnułasia, kab pasprabavać znajści Alaksandru, skazać, što jany ŭ žachu ad hetaj historyi i ad taho, što joj daviałosia pieražyć, i ad taho, što ŭsie vakoł maŭčali, i što joj nie było kudy pajści, akramia mahiły maci, kab raskazać pra toje piekła, u jakim jana žyvie?
Jak pa-ludsku, Mitrapalit pavinien byŭ dziela hetaha nadzvyčajnaha zdareńnia kinuć usie svaje spravy, sustrecca z hetaj dziaŭčynaj, paabiacać padtrymku, paprasić prabačeńnia za toje, što carkva była dla jaje adnoj sa skrepaŭ taho piekła, u jakim jana žyła.
Ja ŭpeŭniena, što ŭ śviataroŭ majho prychodu najpieršaj intencyjaj było b daviedacca jak Alaksandra adčuvaje siabie ciapier, ci nie patrebna joj niejkaja dapamoha, a nie praktykavańnie ŭ arhumientach, čamu niama padstaŭ pazbaŭlać sanu, čamu nielha pierakładać adkaznaść na ŭsiu BPC i h. d. Pierakładać nie treba, nasamreč, tamu što sapraŭdnaja carkva — heta taja, jakaja sama biare adkaznaść, a nie adbivajecca. Sapraŭdnaja carkva, a nie carkva pastajannych admazak «nie bačyŭ», «nie čuŭ», «usio značna składaniej».
«Kali jon biŭ unučku, ja išła ŭ vannu, kab nie čuć». Ci padazravała ciešča «baciuški sa svastykaj» pra seksualny hvałt?
Prychadžanka carkvy «baciuški sa svastykaj»: Jon abaraniaŭ nas ad hetaha… jeŭrapiejskaha, zachodniaha
