BPC pra abvinavačvańnie Burykina ŭ piedafilii: My molimsia i spadziajomsia, kab heta akazałasia niapraŭdaj
Skandalnaha «baciušku sa svastykaj» Kanstancina Burykina abvinavačvajuć jašče i ŭ hvałtoŭnych dziejańniach seksualnaha charaktara ŭ dačynieńni da svajoj dački.
Čytajcie: Na «baciušku sa svastykaj» zaviali spravu za seksualny hvałt u dačynieńni da małoj dački
Što pra heta ŭsio dumaje pravasłaŭnaja carkva? Nahadajem, što de-jure Burykin jašče zastajecca ŭ sanie pravasłaŭnaha śviatara.
Kanstancin Burykin i patryjaršy ekzarch Biełarusi Pavieł
Pra heta «Naša Niva» spytała ŭ pres-sakratara BPC ajca Sierhija Lepina.
«My vielmi zasmučanyja, čakajem dalejšaha raźvićcia padziej. Što tut kamientavać? U nas niama na rukach faktaŭ. My molimsia i spadziajemsia, kab heta akazałasia niapraŭdaj», — skazaŭ Lepin.
Što budzie dalej, kali abvinavačańni paćvierdziacca?
«Na siońnia jon zabaronieny ŭ słužeńni, a sana nie pazbaŭleny. Sprava ŭ tym, što dla hetaha jość pracedura i carkoŭny sud, na jaki jon nie moža źjavicca pa zrazumiełych pryčynach.
Ale kali zachoŭvańnie niekalkich patronaŭ nie źjaŭlajecca padstavaj dla pazbaŭleńnia sana, to seksualnyja dziejańni z małaletnimi, razbeščvańnie małaletnich… Heta padstava», — tak adkazaŭ Lepin.
