«Вэлком» павышае тарыфы
ЗП «Вэлком» (гандлёвыя маркі velcom і Privet) інфармуе аб павышэнні тарыфаў на паслугі сувязі з 27 ліпеня 2013 года, паведамляецца на афіцыйным сайце кампаніі.
Павелічэнне кошту закране званкі і абаненцкую плату галасавых тарыфных планаў для фізічных асоб, аднаразовыя узносы і тарыфы на спецыяльныя і дадатковыя паслугі.
У выніку, па ацэнцы кампаніі, сярэдні кошт у сегменце карыстальнікаў гэтых паслуг ўзрасце на 2,7%.Для большасці тарыфных планаў павышэнне абаненцкай платы складзе ад 1,5% да 7%, тарыфы на званкі ўнутры краіны падымуцца на 4–7%.
Істотныя змены закрануць тарыфныя планы лінейкі Бізнес — павышэнне абаненцкай платы будзе суправаджацца значным ростам аб’ёмаў уключаных хвілін і інтэрнэт трафіку, што выкажацца ў зніжэнні сярэдніх выдаткаў на сувязь сярод карыстальнікаў гэтых прадуктаў.
Без змяненняў захаваюцца памеры штомесячных плацяжоў за абсталяванне, набытае ў растэрміноўку ў рамках раней заключаных дамоваў, тарыфы на выходныя міжнародныя званкі, відэазванкі, мабільны інтэрнэт (абаненцкая плата і кошт трафіку), кошт SMS і MMS, а таксама тарыфы на званкі ў роўмінгу. Нязменнымі застануцца таксама кошт выходных званкоў і абаненцкая плата тарыфных планаў для карпаратыўных кліентаў, тарыфу «Сацыяльны», а таксама абаненцкая плата тарыфу BUSINESS.PRO.Платынавы.
«На практыцы для пераважнай большасці нашых кліентаў, карыстальнікаў галасавых тарыфных планаў, сярэдні кошт вырасце толькі на 2,7%», — зазначаюць у кампаніі.
