«Vełkom» pavyšaje taryfy
ZP «Vełkom» (handlovyja marki velcom i Privet) infarmuje ab pavyšeńni taryfaŭ na pasłuhi suviazi z 27 lipienia 2013 hoda, paviedamlajecca na aficyjnym sajcie kampanii.
Pavieličeńnie koštu zakranie zvanki i abanienckuju płatu hałasavych taryfnych płanaŭ dla fizičnych asob, adnarazovyja uznosy i taryfy na śpiecyjalnyja i dadatkovyja pasłuhi.
U vyniku, pa acency kampanii, siaredni košt u siehmiencie karystalnikaŭ hetych pasłuh ŭzraście na 2,7%.Dla bolšaści taryfnych płanaŭ pavyšeńnie abanienckaj płaty składzie ad 1,5% da 7%, taryfy na zvanki ŭnutry krainy padymucca na 4–7%.
Istotnyja źmieny zakranuć taryfnyja płany liniejki Biźnies — pavyšeńnie abanienckaj płaty budzie supravadžacca značnym rostam abjomaŭ uklučanych chvilin i internet trafiku, što vykažacca ŭ źnižeńni siarednich vydatkaŭ na suviaź siarod karystalnikaŭ hetych praduktaŭ.
Bieź źmianieńniaŭ zachavajucca pamiery štomiesiačnych płaciažoŭ za abstalavańnie, nabytaje ŭ rasterminoŭku ŭ ramkach raniej zaklučanych damovaŭ, taryfy na vychodnyja mižnarodnyja zvanki, videazvanki, mabilny internet (abanienckaja płata i košt trafiku), košt SMS i MMS, a taksama taryfy na zvanki ŭ roŭminhu. Niaźmiennymi zastanucca taksama košt vychodnych zvankoŭ i abanienckaja płata taryfnych płanaŭ dla karparatyŭnych klijentaŭ, taryfu «Sacyjalny», a taksama abanienckaja płata taryfu BUSINESS.PRO.Płatynavy.
«Na praktycy dla pieravažnaj bolšaści našych klijentaŭ, karystalnikaŭ hałasavych taryfnych płanaŭ, siaredni košt vyraście tolki na 2,7%», — zaznačajuć u kampanii.