U KDB danieśli navat na Viktara Kalinu
Na adepta ruskaha śvietu nakataŭ zajavu jaho rasijski susied. «Mnie jak aficeru ŭ adstaŭcy kryŭdna».
Viktar Kalina nienadoŭha prymknuŭ da biełaruskaj revalucyi. Skryn videa ź jutub-kanała śpievaka
U žniŭni 2020 hoda prychilnik bajevikoŭ Danbasa Viktar Kalina niečakana vystupiŭ u padtrymku Śviatłany Cichanoŭskaj, asudziŭ Alaksandra Łukašenku i staŭ fatahrafavacca ź bieł-čyrvona-biełym ściaham.
Adzin z susiedziaŭ Kaliny pa pasiołku Jarcava Smalenskaj vobłaści Rasii paśpieŭ danieści na jaho ŭ biełaruski KDB. Hety list znajšoŭsia ŭ źlitaj Kibierpartyzanami bazie zvarotaŭ.
«U našym rajonie pražyvaje hramadzianin RB Viktar Kalina, šansańje i śpiavak. Na svaim jutub-kanale jon raspaŭsiudžvaje infarmacyju, škodnuju i haniebnuju dla ŭłady ŭ Biełarusi. Ja sam narodžany pad Homielem, i mnie jak aficeru ŭ adstaŭcy kryŭdna, što KDB RB dapuskaje škodnickija vychadki ŭ bok prezidenta i vyšejšych słužbovych asob RB.
Spadziajusia na apieratyŭnaje i dakładnaje reahavańnie Kamiteta pa maim paviedamleńni. Honar maju», — napisaŭ u pačatku 2021 hoda susied Kaliny pa pasiołku, jaki nazvaŭsia Ivanam Leŭčukom.
Letam 2021-ha stała viadoma, što Kalina źniaŭ bieł-čyrvona-bieły ściah sa svajoj siadziby ŭ znak salidarnaści z Azaronkam.
«Mnie pastavili adnu z umovaŭ, kab maje kancerty prachodzili ŭ Biełarusi: prybrać i nie rekłamavać bieł-čyrvona-bieły ściah, jaki ŭ mianie na fłahštoku visieŭ», — zajaviŭ tady Kalina.
Śpiavak z pafasam patłumačyŭ, što zrabiŭ heta nie tamu, što vykanaŭ umovu, a tamu, što biełaruskija revalucyjaniery sprobaj «zabojstva» Azaronka dyskredytavali ideju.
Čytajcie taksama:
Biełarusy napisali 40 tysiač danosaŭ? Nie, heta niepraŭdzivaje śćvierdžańnie
Bondarava stukała ŭ KDB na Varanicu z «Biełaj Rusi»
«Ja nie danosiŭ, my ž siabrujem». Jak apraŭdvajucca vykrytyja stukačy
«Łukašenka i Šunievič zasłuhoŭvajuć śmiarotnaha pakarańnia». Pra što nasamreč pisała «Frau A» ŭ KDB?
