Hamielčukoŭ pačali «zaprašać» u milicyju za «Marš niedarmajedaŭ»
«Marš darmajedaŭ» u Homieli nie sastupaŭ pa masavaści minskamu.
Kala dziasiatka aktyvistaŭ atrymali niefarmalnyja zaprašeńni ŭ milicyju ŭ suviazi z udziełam u «Maršy niedarmajedaŭ» 19 lutaha. Zaprašeńni atrymali Vasil Palakoŭ, Uładzimier Kacora, maładyja błohiery, a taksama pradstaŭnik prafsajuzu REP Leanid Sudalenka.
«Telefanuje mnie ŭčastkovy inspektar Siarhiej Žytnikaŭ i zaprašaje, — raspaviadaje Svabodzie Sudalenka. — Kažu: «A pozvu mnie budziecie prysyłać?» Jon adkazvaje: «Kali treba, pryšlu, ale vy ž razumny čałaviek, prychodźcie zaŭtra a 12-j, usio roŭna ž pratakoł składziem, pryjdziecie vy ci nie». — «Pavodle jakoha artykułu?» — «23.34, udzieł u niesankcyjanavanaj akcyi».
Pytaju: «Što, usie try tysiačy, chto išoŭ za maimi plačyma, budziecie pryciahvać?» — «Nie, tolki tych, kaho identyfikavali». Vidać, što jany najbolš aktyŭnych vyciahvajuć na składańnie pratakołaŭ. Buduć jany štrafavać ci sadžać, ciažka skazać, ale ž sankcyi tam dastatkova surjoznyja: ci štraf na 20—50 bazavych adzinak, ci administracyjny aryšt da 15 sutak».
Sudalenka kaža, što ad vyklikaŭ u milicyju arhkamitet praviadzieńnia mitynhaŭ suprać dekretu № 3 i «padatku na darmajedaŭ» nie mianiaŭ planaŭ. Kali dekret nia budzie skasavany ci prypynieny, ludziam prapanujuć sabracca znoŭ 25 sakavika — na Dzień Voli.