U Novaj Ziełandyi rasśledujuć tajamničaje źniknieńnie 500 karoŭ
Palicyja Novaj Ziełandyi rasśleduje źniknieńnie 500 karoŭ ź fiermy na Paŭdniovym vostravie. Miascovyja žychary kažuć, što nikoli raniej nie sutykalisia z takim masavym zhonam žyvioły.
Źniknieńnie było vyjaŭlena pry pieraliku karoŭ. Pry papiarednim padliku ŭ pačatku lipienia na fiermie naličvałasia 1300 karoŭ. Palicyja miarkuje, što kradziež ažyćciaŭlaŭsia paetapna na praciahu hetych dvuch miesiacaŭ.
Uładalnik fiermy nie daje kamientaroŭ z nahody incydentu. Pa papiarednich padlikach, jaho straty mohuć skłaści da 750 tysiač dalaraŭ.
Miascovyja ŭłady parekamiendavali fiermieram nadziejna ŭmacoŭvać miežy svaich uładańniaŭ i rehularna pieraličvać žyviołu, kab paźbiehnuć maštabnych kradziažoŭ.
U Novaj Ziełandyi naličvajecca kala 10 miljonaŭ karoŭ - amal udvaja bolš, čym žycharoŭ krainy. Košt adnoj karovy składaje kala 1000 dalaraŭ.
Fiermiery adznačajuć, što ŭ kožnaj karovy na vuchu majecca elektronnaja birka z numaram, jakuju možna źniać paśla kradziažu, adnak pradać karovu bieź birki budzie niaprosta.