Міліцыя кругласутачна патрулюе вуліцы Віцебска — па горадзе шнырыць галодны воўк

Скрыншот відэа

У Віцебску міліцыя пераведзеная на кругласутачнае патруляванне вуліц з-за паведамленняў грамадзян з нагоды дзікай жывёлы — меркавана ваўка, заўважанага ў горадзе. Пра гэта паведамілі ва УУС аблвыканкама.

Драпежніка бачылі ў розных мікрараёнах абласнога цэнтра. Разам з міліцыяй працуе егер са спецабсталяваннем.

@nashaniva Па Віцебску шнырыць галодны воўк — міліцыя ўводзіць кругласутачнае патруляванне #віцебск#волк#витебск#нашанива#животные#домашниепитомцы#беларусь#беларусьновости#чпбеларусь♬ Creepy, scary, horror, synth, tension - Sound Production Gin

На кругласутачны рэжым працы пераведзены таксама супрацоўнікі па адлове хатніх жывёл Спецаўтабазы Віцебска.

Гараджан заклікаюць быць пільнымі і асцярожнымі, ні ў якім разе не набліжацца да жывёлы і не кантактаваць з ім. Бацькоў просяць не пакідаць дзяцей адных на гульнявых пляцоўках і кантраляваць іх перамяшчэнне па горадзе.

Тых, хто заўважыць ваўка, просяць неадкладна патэлефанаваць у міліцыю па нумары 102.

Nashaniva.com

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

2

0

3

16

2

0