Паліцыя Барселоны затрымала гаспадара фургона, якім збілі людзей
Паводле газеты Publico, паліцыя ўзяла пад варту двух чалавек.
Меркаваны арандатар фургона, на якім у чацвер быў ажыццёўлены тэракт у цэнтры Барселоны, быў затрыманы каталонскай паліцыяй. Пра гэта паведамляе іспанская газета Publico.
Паводле яе звестак, разам з Дрысам Укабірам, якому належаў транспартны сродак, быў узяты пад варту яшчэ адзін чалавек. Абодва затрыманні былі звязаны з сённяшнім нападам.
Video that allegedly show one of the #Barcelona attackers been detained by Police.pic.twitter.com/XRdz3hckvG
Раней газэта El Pais паведаміла, што фургон, выкарыстаны для тэракта, быў арандаваны на імя нейкага Дрыса Укабіра. Выданне апублікавала на сваім сайце фота Укабіра.
ÚLTIMA HORA | La policía identifica a uno de los implicados en el atentado de Barcelona: Driss Oukabir https://t.co/7GVta71l4Upic.twitter.com/pUDR1pAmhy
Фургон наехаў на людзей у раёне вуліцы Рамбла ў цэнтры горада. Паводле звестак выдання, зламыснік праехаў па вуліцы больш за 530 метраў.