Дзевяцікласніца выпала з акна 11 паверха ў Оршы
6 жніўня ў 21:15 ў Аршанскі райаддзел унутраных спраў з бальніцы паступіла паведамленне, што брыгадай хуткай дапамогі з цялеснымі пашкоджаннямі дастаўлена непаўнагадовая дзяўчына. Пазней яна была шпіталізавана ў аддзяленне рэанімацыі, паведамляе прэс-служба СК.
Следчыя ўстанавілі, што 15-гадовая вучаніца 9-га класа каля 21 гадзіны 10 хвілін выпала з лоджыі кватэры ў суседнім пад'ездзе на 11-м паверсе дома.
Дзяўчына была ў кватэры ў знаёмых. У суседнім пакоі знаходзіліся гаспадары кватэры. Калі дзяўчына выйшла на балкон і некаторы час адсутнічала, кампанія занепакоілася. Пазней пабачылі, што дзяўчына ляжыць на зямлі каля дома.
Дзяўчына станоўча характарызуецца па месцы вучобы і па месцы жыхарства. Сям'я ў сацыяльна небяспечным становішчы не знаходзіцца.