Прычынай задымлення на трэцім энергаблоку ЧАЭС стала курэнне
Курэнне стала прычынай задымлення на трэцім энергаблоку Чарнобыльскай АЭС. Такая інфармацыя размешчаная на сайце Дзяржаўнай інспекцыі ядзернага рэгулявання Украіны.
Як паведамлялася, 13 чэрвеня ў 15.57 паступіла інфармацыя аб задымленні ў двух памяшканнях трэцяга энергаблока Чарнобыльскай АЭС. У 16.00 яно было ліквідаванае ратавальнікамі.
Прычынай задымлення стала курэнне ў неналежным месцы неўсталяванай асобай. Цяпер вядзецца службовае расследаванне, ініцыяваныя дадатковыя праверкі супрацьпажарнага рэжыму на станцыі. Гэтае здарэнне не аказала негатыўнага ўплыву на радыяцыйны стан памяшканняў блока №3 і прампляцоўкі ЧАЭС. На сёння ядзернага паліва на энергаблоку №3 няма. У памяшканнях, дзе здарылася задымленне, тэхналагічнае абсталяванне адсутнічае. Радыяцыйны фон на тэрыторыі Чарнобыльскай АЭС не змяніўся.
