Больш за 600 бутэлек кантрабанднай расійскай гарэлкі канфіскавалі ў Бабруйскім раёне
Больш за 600 бутэлек кантрабанднай расійскай гарэлкі канфіскавалі ў Бабруйскім раёне, паведамілі ў прэс-службе Камітэта дзяржаўнага кантролю Беларусі.
Партыя гарэлкі вытворчасці Расіі на суму Br30,4 млн была канфіскавана работнікамі ўпраўлення Дэпартамента фінансавых расследаванняў Камітэта дзяржкантролю па Магілёўскай вобласці ў ходзе правядзення сумесных з супрацоўнікамі Бабруйскага РАУС кантрольных мерапрыемстваў па спыненні незаконнага абароту спіртаўтрымліваючай прадукцыі.
Каля в. Савічы Бабруйскага раёна быў спынены грузавы аўтамабіль МАЗ пад кіраваннем 50-гадовага жыхара Паўночнай Асеціі. Паводле прад'яўленых суправаджальных дакументаў, у фуры перавозіліся піламатэрыялы з Уладзікаўказа ў Бабруйск. Пры даглядзе прычэпа за дошкамі было выяўлена 608 бутэлек гарэлкі, не маркіраваных акцызнымі маркамі Беларусі, якая прызначалася для далейшага нелегальнага продажу.
За дапушчанае парушэнне правапарушальнік прыцягнуты да адміністрацыйнай адказнасці ў выглядзе штрафу ў памеры Br15 млн з канфіскацыяй гарэлкі. Сума штрафу выплачаная правапарушальнікам у бюджэт.
