Bolš za 600 butelek kantrabandnaj rasijskaj harełki kanfiskavali ŭ Babrujskim rajonie
Bolš za 600 butelek kantrabandnaj rasijskaj harełki kanfiskavali ŭ Babrujskim rajonie, paviedamili ŭ pres-słužbie Kamiteta dziaržaŭnaha kantrolu Biełarusi.
Partyja harełki vytvorčaści Rasii na sumu Br30,4 młn była kanfiskavana rabotnikami ŭpraŭleńnia Departamienta finansavych rasśledavańniaŭ Kamiteta dziaržkantrolu pa Mahiloŭskaj vobłaści ŭ chodzie praviadzieńnia sumiesnych z supracoŭnikami Babrujskaha RAUS kantrolnych mierapryjemstvaŭ pa spynieńni niezakonnaha abarotu śpirtaŭtrymlivajučaj pradukcyi.
Kala v. Savičy Babrujskaha rajona byŭ spynieny hruzavy aŭtamabil MAZ pad kiravańniem 50-hadovaha žychara Paŭnočnaj Asiecii. Pavodle pradjaŭlenych supravadžalnych dakumientaŭ, u fury pieravozilisia piłamateryjały z Uładzikaŭkaza ŭ Babrujsk. Pry dahladzie pryčepa za doškami było vyjaŭlena 608 butelek harełki, nie markiravanych akcyznymi markami Biełarusi, jakaja pryznačałasia dla dalejšaha nielehalnaha prodažu.
Za dapuščanaje parušeńnie pravaparušalnik pryciahnuty da administracyjnaj adkaznaści ŭ vyhladzie štrafu ŭ pamiery Br15 młn z kanfiskacyjaj harełki. Suma štrafu vypłačanaja pravaparušalnikam u biudžet.