Kiraŭniki «Hrodna Azota» atrymlivali ŭ žniŭni paviedamleńni z pahrozami. Zaviedziena kryminalnaja sprava
Tut.by
U Hrodnie raspačali kryminalnuju spravu pa fakcie prymusu da ŭdziełu ŭ zabastoŭcy z pahrozaj prymianieńnia hvałtu.
Uviečary 20 žniŭnia 2020 hoda na mabilnyja telefony kiraŭnictva AAT «Hrodna Azot» pastupili paviedamleńni z pahrozami zabojstvam u vypadku niaŭdziełu ŭ zabastoŭcy i padtrymki strajkama. Takija ž paviedamleńni pastupili šaści supracoŭnikam u Viber, pry hetym u kožnym padobnym vypadku ŭkazvalisia imiony dziaciej rabotnikaŭ pradpryjemstva.
Supracoŭniki ŭsprymali pahrozu realna, aścierahalisia za siabie, a taksama za žyćcio i zdaroŭje svaich dziaciej, tamu napisali adpaviednyja zajavy ŭ Śledčy kamitet, paviedamili 21 žniŭnia 2020 hoda ŭ viedamstvie. Pa hetym fakcie i raspačali spravu pa art. 200 KK.
Niekalki supracoŭnikaŭ pradpryjemstva vyklikali na dopyt, paviedamlaje hrodna.life.