Cieła kanadca, jaki zahinuŭ na Kubie, pamyłkova adpravili ŭ Rasiju
Cieła pamierłaha padčas adpačynku na Kubie kanadca pamyłkova adpravili ŭ Rasiju. Pra heta ŭ intervju kanadskamu telekanału CTV News paviedamiła dačka zahinułaha, piša RBK.
Varadera na Kubie. Fota: hometohavana.com
68-hadovy Farach Žaržur pamior 22 sakavika ŭ kurortnym horadzie Varadera na poŭnačy Kuby. Cieła pavinny byli nakiravać jaho svajakam u kanadskuju pravincyju Kviebiek, ale pamyłkova dastavili ŭ Rasiju.
Pavodle słoŭ dački zahinułaha, Miryjam Žaržur, siamja atrymała hruz, ale ŭ trunie znachodziłasia cieła rasiejca prykładna na 20 hadoŭ maładziejšaha za kanadskaha hramadzianina.
«My nie viedajem, kali prybudzie cieła majho baćki. Pachavańnia baćki nie było, praz heta my drenna śpim», — raspaviała CTV News Miryjam Žaržur.
Urad Kuby viarnuŭ siamji Žaržur srodki, pieradadzienyja imi na transpartavańnie cieła. Ministarka zamiežnych spraŭ Kanady Miełani Žali ŭ sacsietcy Ch zajaviła, što na Kubie pravodziać rasśledavańnie taho, što adbyłosia.
Čytajcie taksama:
Na Paleśsi ŭspomnili pra jašče adzin vypadak ź biazładździem u biełaruskich morhach
Vypadak ź miortvym ciełam, jakoje pierabłytali ŭ Homieli nie ŭnikalny — toje samaje było ŭ Pinsku