Stała viadoma, pieramožcaŭ jakich alimpijad zaličać u biełaruskija VNU biez ekzamienaŭ
Pieramožcy 13 alimpijad buduć zaličanyja ŭ biełaruskija VNU biez ekzamienaŭ. Heta vynikaje z pastanovy Ministerstva adukacyi, raźmieščanaj na Nacyjanalnym pravavym partale.
Biez ustupnych ekzamienaŭ u VNU i pa-za konkursam u siarednija śpiecyjalnyja ŭstanovy adukacyi mohuć być zaličanyja pieramožcy 13 mižnarodnych alimpijad. Havorka idzie pra dypłomy I, II, III stupieni.
Udakładniajecca, što heta Mižnarodnaja matematyčnaja alimpijada, Mižnarodnaja miendzialejeŭskaja alimpijada školnikaŭ pa chimii, Alimpijada školnikaŭ Sajuznaj dziaržavy pa ruskaj movie i ruskaj litaratury. Taksama nazyvajucca Mižnarodnaja bijałahičnaja alimpijada, Jeŭrapiejskaja hieahrafičnaja alimpijada, Mižnarodnaja fizičnaja alimpijada.
Taksama vyznačany pieralik vučebnych pradmietaŭ treciaha (abłasnoha, Minskaha haradskoha) etapa respublikanskaj alimpijady pa vučebnych pradmietach, praviedzienaj Ministerstvam adukacyi ŭ navučalnym hodzie, što zaviaršyŭsia ŭ hod pryjomu. U pieramožcaŭ nazvanaha etapu budzie mahčymaść pastupić u VNU biez ekzamienaŭ u 2024 hodzie.
U pieraliku ŭtrymlivajecca 20 navučalnych pradmietaŭ, a raniej ich było 16. Siarod ich biełaruskaja mova i litaratura, rasiejskaja mova i litaratura, infarmatyka, bijałohija, chimija, francuzskaja, ispanskaja i kitajskaja movy.
Pieramožcy V Respublikanskaha konkursu prafiesijnaha majsterstva mohuć być zaličanymi biez ustupnych vyprabavańniaŭ u VNU, kali jany majuć dypłomy I, II abo III stupieni.
Čytajcie taksama:
Sioleta centralizavany ekzamien pa kitajskaj movie ŭ Minsku budzie zdavać tolki adzin čałaviek