Łukašenka — Miaśnikoviču: Kuča prablem. Vielmi ciažki hod
BiełTA
Vakoł Jeŭrazijskaha ekanamičnaha sajuza składvajecca vielmi surjoznaja abstanoŭka, idzie ekanamičnaja vajna. Pra heta Alaksandr Łukašenka zajaviŭ siońnia na sustrečy sa Staršynioj Kalehii Jeŭrazijskaj ekanamičnaj kamisii Michaiłam Miaśnikovičam, piša BiełTA.
Łukašenka adznačyŭ, što na 11 śniežnia namiečana pasiadžeńnie Vyšejšaha Jeŭrazijskaha ekanamičnaha savieta [u anłajn-farmacie]. «Paradak dnia vyznačany. Vy viedajecie jak maju pazicyju, tak i Biełarusi naohuł. Nam by para sustrecca z voka na voka (nie pa televizary, a pahavaryć u adkrytuju), bo kuča prablem: ad vajennych, vajenna-palityčnych da ekanamičnych, — skazaŭ Łukašenka. — Tym bolš vielmi ciažki hod. Takoha, napeŭna, i vy nie pamiatajecie. Ale ci toje jašče budzie».
Pra zajaviŭ, što suśvietnaja ekanomika ŭ hetym hodzie abvaliłasia, kryzis zakranuŭ i prastory JEAES.
«Vychad z hetaj situacyi budzie vielmi ciažki. Tym bolš pačałosia prociborstva, faktyčna idzie nieprychavanaja ekanamičnaja vajna ź pierachodam na nie prosta dypłamatyčnuju elitu ŭ ŚMI, ale ŭžo i haračym zapachła. Ja pryvodziŭ zusim niadaŭna hetyja fakty: zamaški asobnych našych susiedziaŭ pad prykryćciom asobnych niasłabych dziaržaŭ i ich mety. Tamu vielmi surjoznaja abstanoŭka vakoł, i nam by abmierkavać hetyja prablem z voka na voka (ź liderami krain JEAES)», — padkreśliŭ Łukašenka.
