Łukašenka pra parad: My nie možam inačaj
president.gov.by
Śviatkavańnie 75-hodździa Pieramohi budzie vydatnaj staronkaj u historyi Biełarusi. Pra heta Alaksandr Łukašenka zajaviŭ siońnia ŭ časie razmovy z udzielnikami cyrymonii kala chrama-pomnika ŭ honar Usich Śviatych, piša BIEŁTA.
«Budziem rychtavacca da zaŭtrašniaha, centralnaha našaha mierapryjemstva (parada), jakoje, na žal, — časy, bačycie, jak mianiajucca — nieadnaznačna ŭsprymajecca vakoł.
Jak skazaŭ tut uładyka, my sapraŭdy vymušanyja stajać jak Bresckaja krepaść. Jašče raz chaču skazać: vialikaje bačycca na adlehłaści. Projdzie čas, ludzi, i pierš za ŭsio moładź, aceniać hetyja dni.
Ja siońnia pierakanany absalutna, što heta budzie vydatnaja staronka ŭ historyi našaj krainy, — zajaviŭ Alaksandr Łukašenka.
— Vydatnaja tamu, što my z vami vystajali, jak jany kaliści. Jany pakłali žyćci ŭ imia taho, kab my siońnia žyli. Nu i chacia b adzin raz u hod u hety śviaty dzień z hodnaściu i honaram ŭspaminali našych hierojaŭ.
My inakš nie možam. Heta adzinaja pryčyna — my nie možam inakš. My pavinny pastupić tak, jak rabili jany, vieračy ŭ budučyniu. U imia budučyni, u imia našaha žyćcia. A acenki damo potym».
