Znajści
Ałharytmičny łacinski varyjant
10.05.2024 / 20:494RusŁacBieł

Apublikavanyja novyja zdymki mierkavanaj bazy jadziernaj zbroi pad Asipovičami. Što na ich?

Vydańnie The New York Times padzialiłasia śviežymi zdymkami vajskovaj bazy pad Asipovičami, dzie moža być raźmieščanaja rasijskaja jadziernaja zbroja. Na dumku ekśpiertaŭ, baza ŭsio bolš pačynaje nahadvać typovyja schoviščy jadziernaj zbroi ŭ Rasii. Voś čamu.

Spadarožnikavy zdymak mierkavanaj bazy jadziernaj zbroi pad Asipovičami ź infahrafikaj, jakaje pakazvaje patencyjnaje miesca znachodžańnia bunkiera z rasijskaj jadziernaj zbrojaj, krytuju pahruzačnuju zonu dla hruzavikoŭ, kantrolna-prapuskny punkt (KPP) z budynkam achovy, niekalki linij aharodžaŭ i avaryjny vychad z bazy. Krynica: The New York Times / Maxar Technologies

Pavodle vydańnia The New York Times i novych spadarožnikavych zdymkaŭ kampanii Maxar Technologies, biełaruskaja baza pad Asipovičami, dzie moža znachodzicca rasijskaja jadziernaja zbroja, praciahvaje zabudoŭvacca i ŭmacoŭvacca.

Žurnalisty zafiksavali ŭźviadzieńnie novych budynkaŭ, stvareńnie avaryjnaha vychadu z bazy i raźmiaščeńnie dadatkovaj sistemy SPA (supraćpavietranaja abarona).

Tak, na zdymku, zroblenym 3 maja, bačny praces razrychleńnia ziamli i budaŭnictva novych bietonnych padmurkaŭ. Jak miarkujuć ekśpierty, jakich apytała vydańnie, u hetym miescy budujucca albo kazarmy dla rasijskaha kantynhientu, jaki achoŭvaje jadziernuju zbroju, albo niejkija administratyŭnyja budynki z novymi zonami dla transpartnych srodkaŭ, albo ŭsio adrazu.

Na inšy zdymak trapiła dadatkovaja sistema SPA, «jakuju razharnuli niadaŭna».

Praces razrychleńnia ziamli i budaŭnictva novych bietonnych padmurkaŭ dla kazarmaŭ, abo administracyjnych budynkaŭ na bazie pad Asipovičami, dzie moža zachoŭvacca rasijskaja jadziernaja zbroja. Zdymak zrobleny 3 maja. Krynica: The New York Times / Maxar Technologies

Dadatkovaja sistema SPA, razhornutaja na mierkavanaj bazie jadziernaj zbroi pad Asipovičami. Krynica: The New York Times / Maxar Technologies

Jość i adna dziŭnaja reč. Na novych zdymkach, jak adznačajuć žurnalisty, bačnyja try linii aharodžaŭ vakoł bazy, adnak jašče niadaŭna ich było čatyry, što taksama było zafiksavana spadarožnikam. Kudy padziełasia jašče adna linija, nieviadoma.

Zdymak płota vakoł mierkavanaj bazy jadziernaj zbroi pad Asipovičami ŭ pačatku maja (źvierchu) i taja ž miascovaść u kancy studzienia (źnizu). Raniej byŭ płot z čatyroch linij, a ciapier linij tolki try. Foty: The New York Times / Maxar Technologies / FAS

Aproč hetaha, ekśpierty ź liku byłych čynoŭnikaŭ Pientahona zaŭvažyli padabienstva ŭ schiemach raźmiaščeńnia KPP i aharodžaŭ na mierkavanaj bazie jadziernaj zbroi pad Asipovičami i inšymi isnujučymi siońnia schoviščami jadziernaj zbroi ŭ roznych rehijonach Rasii (Naŭharodskaja, Chabaraŭskaja, Biełharadskaja vobłaści i inš.).

Adzin z ekśpiertaŭ, Uiljam Mun, zajaviŭ vydańniu The New York Times, što dyzajn mahčymaha schovišča rasijskaj jadziernaj zbroi pad Asipovičami vielmi nahadvaje sučasnyja jadziernyja bazy ŭ Rasii, dzie Mun, pa jahonych słovach, byvaŭ asabista ŭ składzie delehacyj Pientahona ŭ jakaści naziralnika za biaśpiekaj zachoŭvańnia jadziernaj zbroi.

Va ŭsich zhadanych im rasijskich jadziernych bazach pavodle standartu ŭstanoŭlenyja try linii aharodžaŭ, što bačna i vakoł bazy pad Asipovičami, adznačaje Uiljam Mun.

Paraŭnańnie schiemy raźmiaščeńnia KPP i aharodžaŭ na mierkavanaj bazie jadziernaj zbroi pad Asipovičami i na inšych najaŭnych sučasnych jadziernych schoviščach pa ŭsioj Rasii. Krynica i infahrafika: The New York Times / Maxar Technologies / Google Earth

Nahadajem, što vajskovy skład na ŭschodzie ad Asipovičaŭ užo niekalki miesiacaŭ znachodzicca pad uvahaj suśvietnych ŚMI z-za mahčymaha raźmiaščeńnia tam rasijskaj taktyčnaj jadziernaj zbroi, jakuju ŭ Biełaruś mahli dastavić z Rasii jašče ŭ minułym hodzie i mohuć praciahvać dastaŭlać dahetul.

Pobač ź mierkavanym schoviščam pad Asipovičami znachodziacca i niadaŭna pieradadzienyja Biełarusi ad Rasii rakietnyja kompleksy «Iskander», jakija mohuć nieści i zapuskać jadziernyja snarady.

Čytajcie taksama:

Jadziernaja hulnia Pucina i Łukašenki: u čym ža budzie rola biełarusaŭ i jakija mohuć być jaje nastupstvy?

«Padarunak» dziasiatkam pakaleńniaŭ. Jak Biełaruś budzie zachoŭvać jadziernyja adkidy sa svajoj AES i ŭ čym adziny jaje šaniec

Kali Biełaruś ustupić u vajnu z Ukrainaj, vojski NATO naŭprost umiašajucca ŭ kanflikt — La Repubblica

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
2
Панылы сорам
2
Ха-ха
1
Ого
3
Сумна
4
Абуральна
18
3
Andruś/adkazać/
10.05.2024
Karaciej, kali što - "adkazka" ŭ Biełaruś prylacić najpierš pad Asipovičy. Miarkuju, kvatery ŭ Asipovičach zaraz rezka ŭpaduć u canie, a nasielnictva Asipovickaha rajonu značna pamienšycca. 
1
Kotya/adkazać/
10.05.2024
Stroju, rychlu «u mienia kriedity, dieti, jesti čto-to nado»
0
Lucik/adkazać/
11.05.2024
Na Huhł meps užo jesť?
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031