Kiraŭnik abłvykankama: U Mahiloŭskaj vobłaści nie zarehistravana nivodnaha vypadku karanavirusa
Epidemijałahičnaja situacyja ŭ Mahiloŭskaj vobłaści kantralujemaja i spakojnaja. Pra heta skazaŭ staršynia Mahiloŭskaha abłvykankama Leanid Zajac siońnia ŭ čas naviedvańnia abłasnoj dziciačaj balnicy, paviedamlaje BiełTA.
«Situacyja kantralujemaja i spakojnaja, ale heta nie značyć, što žychary mohuć asłabić uvahu da svajho zdaroŭja i zdaroŭja blizkich i navakolnych. Zaraz u Mahilovie i vobłaści nie zarehistravana nivodnaha vypadku karanavirusa. Ale my pavinny być hatovyja. Virus nie maje miežaŭ, nie vybiraje krainy abo harady» — padkreśliŭ Leanid Zajac.
«Ad žycharoŭ patrabujecca niaŭchilna vykonvać asabistuju hihijenu, nie naviedvać miescy masavaha zboru ludziej, admovicca na čas ad zabaŭ. I kali źjaviacca prykmiety zachvorvańniaŭ, syści na samaizalacyju i źviarnucca da lekara, kab nie stavić pad pahrozu zdaroŭje inšych ludziej».
