Tramp zajaviŭ pra płany zdać test na karanavirus, a Bałsanaru pravierać iznoŭ
Prezident ZŠA Donald Tramp zajaviŭ, što, «chutčej za ŭsio», zdaść test na karanavirus u najbližejšy čas, piša Reuters.
«Chutčej za ŭsio, tak», — skazaŭ Tramp, adkazvajučy na pytańnie žurnalista na pres-kanfierencyi.
Pry hetym prezident ZŠA padkreśliŭ, što rašeńnie nie źviazana z tym, što jon kantaktavaŭ z kiraŭnikom sakrataryjata pa hramadskich kamunikacyjach administracyi prezidenta Brazilii Fabia Vajnhartenam, u jakoha paśla vyjavili karanavirus.
«Nie pa hetaj pryčynie, a tamu što, ja dumaju, ja zrablu jaho ŭ lubym vypadku…» — adznačyŭ Tramp.
U svaju čarhu prezidenta Brazilii Žaira Bałsanaru, jaki sustrakaŭsia z Donaldam Trampam u ZŠA mienš za tydzień tamu, paŭtorna prateścirujuć na karanavirus, paviedamlaje Reuters.
Testavańnie praviaduć u pačatku nastupnaha tydnia, kab vyklučyć vierahodnaść taho, što ŭ prezidenta Brazilii źjaviŭsia virus.