Žychara Bychava asudzili za dziaržaŭny ściah, jaki jon sarvaŭ z kramy
23 krasavika 2024 hodu žychara Bychava Juryja Tomašava asudzili da troch miesiacaŭ aryštu pavodle art. 370 (ździek ź dziaržaŭnych simvałaŭ) Kryminalnaha kodeksu, daviedałasia «Viasna». Prysud začytaŭ sudździa Alaksandr Marozaŭ u sudzie Bychaŭskaha rajona.
Fota ilustracyjnaje
Juryj Tomašaŭ — mašynist kacielni. Jon znachodziŭsia pad vartaj z 21 lutaha 2024 hoda. Jaho pryznali vinavatym u tym, što ŭ lutym 2024 hoda mužčyna pasprabavaŭ źbić z kramy dziaržaŭny ściah.
Mužčyna nibyta «nanios nie mienš za dva ŭdary pa dreŭku». Kali ŭ jaho nie atrymałasia źbić ściah, prynios z domu draŭlanuju drabinu, uskaraskaŭsia pa joj, schapiŭ rukami dreŭka ściaha i paciahnuŭ uniz: praz heta dreŭka złamałasia.
Pavodle abvinavačańnia, dalej Tomašaŭ «niadbajna źmiaŭ pałatninu ściaha, abkruciŭšy jaje na dreŭcy» i adnios jaho ŭ svoj chleŭ, dzie i zachoŭvaŭ u miašku, pakul jaho nie vyciahnuli adtul supracoŭniki milicyi.
Tomašaŭ pryznaŭ svaju vinu. Jon raskazaŭ, što ŭbačyŭ ściah i vyrašyŭ zabrać jaho sabie. Jaho pryznali vinavatym i asudzili da troch miesiacaŭ aryštu.
Čytajcie taksama:
Za palityku pačynajuć sudzić biznesmiena Vadzima Ruškieviča
Siłaviki zatrymali kiroŭcu-mižnarodnika ź Minska za «1200 kamientaroŭ»