«Adkrucim hałovy i pavykručvajem ruki». Łukašenka pra «incydenty» z naziralnikami i kiraŭnicami vybarkamaŭ
«Ja skazaŭ śpiecsłužbam i milicyi, kab jany ćviorda spyniali padobnyja vypadki. Žorstka — heta značyć, kali niejki mudak abo prydurak pačynaje kidacca na vybarščykaŭ, skazać, što jamu ŭstavili mazhi tak, kab bolš hetaha nie chaciełasia», — emacyjna vykazaŭsia Łukašenka paśla hałasavańnia na parłamienckich vybarach na ŭčastku № 506 u Minsku, piša Tut.by
Łukašenka kaža pra situacyju ŭ Breście na ŭčastku hałasavańnia № 37, dzie naziralnik ad kampanii «Prava vybaru» Juryj Vaščančuk źniaŭ na videa Anastasiju Kuličkovu, jakaja, na jaho dumku, sprabavała ŭkinuć u skryniu dla daterminovaha hałasavańnia stos biuleteniaŭ. U jaje potym, pa słovach staršyni kamisii, zdaryŭsia niervovy zryŭ.
— …Vy razumiejecie, pra što ja kažu? Vy viedajecie, jak heta ŭmiejuć milicyjanty rabić. Ja tut sam vinavaty, što raniej ich strymlivaŭ, maŭlaŭ, davajcie spakojna, davajcie pa-ludsku… Voś siadziać siabry kamisii, u čym jany vinavatyja? Jany pracujuć, ich paprasili, jany ž navat hrošaj nie atrymlivajuć… A vy ich pačynajecie treciravać.
Łukašenka kaža pra vypadak u Mahilovie, pra jaki ŭčora pisali biełaruskija ŚMI: tam nieviadomyja daviedalisia chatni adras staršyni ŭčastkovaj vybarčaj kamisii № 32 Maryny Zubarenka i raskleili ŭlotki na kožnym z padjezdaŭ šmatpaviarchovika. U ich było napisana, što na ŭčastku ŭžo vybrali deputata i ŭsio dziakujučy staršyni. Tam ža byŭ nadrukavany chatni adras i patrabavańnie zaklikać staršyni da adkaznaści.
— Mnie praściej. Na mianie brudam ljuć, ja siadžu ŭ lesie za płotam. A jana [Maryna Zubarenka] chodzić pa vulicach. Žančyna, a na jaje palcam tykajuć, u jaje dzieci, siamja, muž. Jak ža joj? Čamu jana, robiačy dobruju spravu, pavinna heta tryvać?.. Adkrucicie hałovy i pavykručvajcie ruki tym, chto budzie siabie padobnym čynam.
Łukašenka paviedamiŭ, što jamu viadoma 6 vypadkaŭ pravakacyj padčas kampanii i vybaraŭ:
— U nas jany zadakumientavanyja, i my z hetymi ludźmi raźbiaremsia pa zakonie. Ja prosta ciapier prašu ludziej nie stvarać prablem. Treba paciarpieć. Praviadziom vybary i raźbiaremsia. Ja addaŭ rasparadžeńnie milicyi i śpiecsłužbam spyniać žorstka takija rečy. Členy kamisij ad mianie atrymajuć žaleznuju abaronu. Ja vielmi chutka mahu zaklikać da adkazu, vy viedajecie mianie nie pieršy hod.
«Heta repietycyja hałoŭnych vybaraŭ», — ličyć jon. — «Jany [pravakatary] macajuć, sprabujuć na zub — na płoščach i učastkach. Jany cisnuć na našych ludziej [členaŭ vybarčych kamisij] — a heta prostyja daktary, nastaŭniki, inžyniery … My svaju krainu nikomu nie addamo. Heta naša kraina. My jaje budziem abaraniać i našych ludziej jak maje być — pa zakonie».
