Viadučy teledebataŭ na BT: Cisk na členaŭ kamisij — samy jezuicki sposab
Palityčny ahladalnik Biełteleradyjokampanii, pastajanny viadučy teledebataŭ Andrej Kryvašejeŭ u kamientary karespandentu BiełTA aburyŭsia pavodzinami niezaležnych naziralnikaŭ.
Jon bačyć suviaź pamiž «pravakacyjami naziralnikaŭ» i «sprobami stvaryć skandał na vybarach i pieravieści demakratyčny praces u praces vuličny».
«Usie hetyja akcyi, sproby ŭzbudzić ludziej, maksimalna palityzavać hramadstva ŭ cełym i moładź u pryvatnaści prymierkavany nie da parłamienckaj, a da budučaj prezidenckaj kampanii. Prosta zaraz arhanizatary hetych kanałaŭ, jak vopytnyja lalkavody, tuzajuć za ŭsio nitački, kab pravieryć, jaki ź ich pracuje bolš efiektyŭna, kudy treba nakiravać maksimalnuju kolkaść enierhii, finansavańnia, resursaŭ», — raskazaŭ Kryvašejeŭ.
«Pajšoŭ u chod samy jezuicki sposab — cisk na siabraŭ vybarčych kamisij u raźliku na toje, što jany pavinny paddacca, spałochacca takich pravakacyj. … [Padčas teledebataŭ] ich abvinavačvali ŭ tym, što jany falsifikujuć vybary. Atrymlivajecca, usie 60 ź lišnim tysiač čałaviek, siarod jakich nastaŭniki, daktary, inšyja hodnyja ludzi, nibyta ździajśniajuć ciažkaje kryminalnaje złačynstva», — narakaje rabotnik BT.
