Łukašenka zaklikaŭ nievialikija krainy zajavić ab sabie
Fota Nadziei Bužan
Nievialikija dziaržavy pavinny zajavić ab sabie pierad vialikimi dziaržavami. Ab hetym Alaksandr Łukašenka skazaŭ siońnia ŭ Minsku na mižnarodnaj kanfierencyi «Jeŭrapiejskaja biaśpieka: adyści ad kraju biezdani», pieradaje BIEŁTA.
Alaksandr Łukašenka adznačyŭ, što časta dziaržavy padzialajuć na vialikija, siarednija i małyja. «Takich nie byvaje: usie narody vialikija, navat kali heta tysiača čałaviek, — pierakanany jon. — Nas pryhoža padzialajuć, pieraciahvajuć na adzin, druhi bok. I my hublajemsia siarod hetych hihantaŭ. Nam para niejak abjadnać by svaje hałasy, skazać «vialikim», što jany nie takija vialikija». Kiraŭnik dziaržavy padkreśliŭ, što ŭ sučasnym śviecie navat vialikija i mocnyja krainy słabaabaronienyja. Jon nahadaŭ ab Saudaŭskaj Aravii, naftavyja abjekty jakoj niadaŭna byli atakavany bieśpiłotnikami.
«Tamu nie treba chavacca za šyrmu vieličy i padobnych terminaŭ. Treba damaŭlacca. Kali b my zmahli abjadnacca pa-sapraŭdnamu, na niejkaj płatformie, nas pačuli b. Ale znoŭ ža: hetyja «vialikija» nie dajuć nam, siarednim i małym dziaržavam, heta zrabić, tamu što vialikaja formuła «raździalaj i ŭładar» pakul jašče nie zžyła siabie i naŭrad ci zžyvie», — skazaŭ Alaksandr Łukašenka.
