Łukašenka raspavioŭ Rusamu i Zajcu, što nie varta rabić
Akazańnie padtrymki tych ci inšych prajektaŭ, u tym liku na rehijanalnym uzroŭni, vydzialeńnie srodkaŭ mahčyma tolki na padstavie vyraznaha raźliku, što ŭkładańni akupiacca i buduć prynosić stanoŭčy efiekt, zajaviŭ Alaksandr Łukašenka na sustrečy sa staršynioj Mahiloŭskaha abłvykankama Leanidam Zajcam i pamočnikam prezidenta — inśpiektaram pa Mahiloŭskaj vobłaści Michaiłam Rusym, paviedamlaje BiełTA.
«Vy pavinny byli detalova razabracca ŭ vobłaści i vykazać svajo mierkavańnie ab jaje dalejšym raźvićci. Prynamsi, jak vy mnie chacieli dałažyć, — na 5 hadoŭ napierad», — adznačyŭ Alaksandr Łukašenka.
Jon asabliva padkreśliŭ, što vydzialeńnie lubych srodkaŭ mahčyma tolki paśla starannaha praliku, što imi piśmienna rasparadziacca. «Ja, viadoma, vam vielmi vieru, ale prosta pad abiacańni hrošaj nie budzie. My pavinny bačyć vyrazny raźlik. Kali vy niešta stvarajecie, my pavinny bačyć, kali viernucca hetyja hrošy. I nie tolki tyja, jakija respublika vam ci banki zmohuć dać, ale vy pavinny bačyć i viartańnie ułasnych srodkaŭ. Heta dla vas vielmi važna. Kali vy płanujecie pazyčyć hrošy, a viarnuć praz 15-20 hadoŭ, to z vami nichto razmaŭlać nie budzie. Nas z vami nie budzie», — zaŭvažyŭ biełaruski kiraŭnik.
Alaksandr Łukašenka adznačyŭ, što prapanovy treba ŭnosić blizkija da žyćcia i, samaje hałoŭnaje, kab vydzielenyja srodki adrazu pačynali pracavać.
«Kali navat vy i atrymajecie niejkuju padtrymku z adterminoŭkami, rasterminoŭkami, to z zaŭtrašniaha dnia kožny dzień vy pavinny demanstravać stanoŭčuju dynamiku. Kali ŭ vas hetaha nie budzie ci my budziem z vami bačyć, što heta niemahčyma, nie pačynajcie navat razmovu, — skazaŭ biełaruski kiraŭnik. — Hrošy atrymali — z zaŭtrašniaha dnia jany pavinny pačynać pracavać, i ad hetaha pavinien być efiekt: u vyhladzie padatkaŭ, viartańnia kredytaŭ, zarabotnaj płaty ludziej, vytvorčaści pradukcyi i jaje realizacyi nie tolki na ŭnutranym, ale i na źniešnim rynkach».
«Voś asnova našaha siońniašniaha dyjałohu pa Mahiloŭskaj vobłaści. I ni ŭ jakim razie nie zychodzicie z pryncypu «prasi bolš, usio roŭna daduć mienš». Nie treba tak rabić!» — zaklikaŭ kiraŭnik dziaržavy.
Alaksandr Łukašenka źviarnuŭ uvahu na nieabchodnaść apieratyŭna vyrašać tyja ci inšyja pytańni pry realizacyi namiečanych płanaŭ abo pry źjaŭleńni novych mahčymaściaŭ.
Leanid Zajac zapeŭniŭ prezidenta, što stanovišča ŭ rehijonie spakojnaje, kiravanaje i prahnazavanaje. Zaviaršajecca siaŭba azimych zbožžavych kultur. Hetyja pracy, jak i płanavałasia, pavinny ŭ asnoŭnym zaviaršycca da 1 kastryčnika.
