Siamaška: Nie treba źviazvać pytańnie kampiensacyi padatkovaha manieŭru z pahłybleńniem intehracyi
Pytańnie kampiensacyi Biełarusi strat ad padatkovaha manieŭru ŭ Rasii ŭ naftavaj śfiery treba vyrašać, a nie źviazvać z pytańniem pahłybleńnia intehracyi pamiž krainami. Pra heta zajaviŭ siońnia žurnalistam pasoł Biełarusi ŭ Rasii Uładzimir Siamaška, pieradaje BiełTA.
Uładzimir Siamaška adznačyŭ, što ŭ pieramovach pa kampiensacyi Biełarusi strat ad padatkovaha manieŭru ŭ Rasii baki znajšli razumieńnie, adnak rasijskija partniory zajaŭlajuć, što kančatkova razabracca z hetaj prablemaj i pryniać nieabchodnyja rašeńni možna budzie tolki paśla vyrašeńnia pytańnia ab pahłybleńni intehracyi.
«Ja liču, što nielha źviazvać adny rečy ź inšymi, tamu što toje, što naśpieła ŭ ramkach inšych pahadnieńniaŭ, inšych damoŭlenaściej, treba vyrašać, i daŭno treba było vyrašać — užo z 31 studzienia hetaha hoda», — zajaviŭ pasoł.